SAN MATEO 24:9-11

’Nu lo'o xana cha' cuxi bi', tejeya' ngu' ji'i̱ ma̱ cha' xcube' ngu' ji'i̱ ma̱, hasta ña'a̱ cuayá' nu cujuii ngu' ji'i̱ ma̱, cha' ntsu'u ngu' tyucui ña'a̱ chalyuu nu caca ti'í ti' ngu' ña'a̱ ngu' ji'i̱ ma̱ xqui'ya na'; bi' cha' tyu̱u̱ tya'a ngu' tya'a ma̱ caca taja ti' ngu' jna', nga'aa talo ngu' cha' xñi la ngu' cha' 'na li'. Lo'o jua'a̱ ntsu'u ngu' tya'a ma̱ nu cujuii cuañi' ngu' ji'i̱ tya'a ma̱ ya' ngu' cuxi, jua'a̱ ntsu'u ngu' tya'a ma̱ nu caca ti'í ti' ngu' ña'a̱ ngu' ji'i̱ xa' la ngu' tya'a ma̱ li'. La cui' jua'a̱ tyu'u tucua quiña'a̱ ngu' cuiñi, nu laca tu'ba ji'i̱ ycui' Ndyosi, ñacui̱ ngu'. Cñilo'o ngu' bi' ji'i̱ tyu̱u̱ tya'a ma̱, cu'ma̱ nu laca ma̱ ñati̱ 'na.