bi' cha' juani nga'aa tyijyu' ycui' Ndyosi ji'i̱ cu'ma̱. Cuentya ji'i̱ ycui' Ndyosi ni, ná laca ma̱ ñi'ya̱ si laca ma̱ ngu' xta nu ndi'i̱ sca chalyuu tyijyu' nu si'i quichi̱ tyi ma̱; lcaa chacuayá' nu ntsu'u ji'i̱ ycui' Ni cua nda ycui' Ndyosi ji'i̱ ma̱ juani, cha' laca ma̱ ñati̱ ji'i̱ Ni. Stu'ba ntsu'u cha' ji'i̱ ma̱ lo'o lcaa ñati̱ nu ngusñi cha' ji'i̱ ycui' Ndyosi xa' quichi̱, bi' cha' laca ma̱ ñi'ya̱ nti' si stu'ba ti ndi'i̱ ma̱ lo'o ycui' Ndyosi. Lcaa cu'ma̱ nu ngusñi ma̱ cha' ji'i̱ Cristo, cua laca ma̱ tya'a na; sca ti Cristo laca nu ndulo tsa cha' ji'i̱ cuentya ji'na. Xqui'ya Cristo, bi' cha' cua ndyanu tso'o cha' ji'i̱ ma̱ lo'o ycui' Ndyosi; xqui'ya Cristo, bi' cha' cua ngujui cña nu cua'ni scaa ma̱, cha' caca ma̱ cña ji'i̱ Ni, cha' cua ngua stu'ba cha' ji'i̱ ma̱ lo'o Ni. Ñi'ya̱ nti' sca ni'i̱ nu tso'o tsa ndya', jua'a̱ nti' ma̱. Tachaa tsa ntsu'u quiya' ni'i̱ bi', cha' ntsu'u sca quee tlyu nu cui'ya ji'i̱, nu ta juersa ji'i̱ ni'i̱ bi'; chu̱' bi' lijya̱ ndya' ña'a̱ tsaca ni'i̱ li'. Nu ngu' nu ngua tsa'a̱ ji'i̱ Jesús tya clyo, lo'o jua'a̱ jyo'o cusu' nu ngua tu'ba ji'i̱ ycui' Ndyosi nchcui' Ni lo'o ñati̱ nu ngua sa'ni la, ngu' bi' laca nu ngusta su̱u̱ cha', cha' ngusñi ma̱ cha' ji'i̱ ycui' Ndyosi; pana sca ti Cristo laca nu ndulo la cha' ji'i̱ cuentya ji'i̱ ma̱.
Read EFESIOS 2
Share
Compare All Versions: EFESIOS 2:19-21
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos