Salmos 6
6
1Lue', Xran, quebe til-lu' neda' lu xel-la' snia chiu',
ne quebe gudéu' neda' ba xa' lu xel-la' dxezrá'a chiu'.
2Bexache lazre' neda', Xran, lawe' da quebe chawe' zua'.
Bexún neda', Xran, lawe' da dxedéa' xel-la' zi'.
3Sté̱bele̱'e̱ zua xichaj lázrdawa'.
Xran, ¿bátala gácale̱nu' neda'?
4Gudá, Xran, bselá bénne'du xu'a.
Bselá neda' dute̱ xel-la' zri'i lazre' chiu'.
5Naga zaj zra' benne' gate ca', quebe nu dxeajsá lazre' Lue'.
Lu lataj ba xa' ¿núzraqueze güe lá'ana Lue'?
6Ba dxexedú lazra' lawe' da dxebezre lazra'.
Tu zre' tu zre' dxebísane ga dxásia' nisa da dxebezra'.
Dxusebisa' xrcugua' nisa da dxebezra'.
7Ba dxane xiaj lawa' xel-la' dxebezre.
Ba bebízrqueze nisa xuzru xiaj lawa' lawe' da zrále̱'e̱
benne' dxulusaca zi'e̱ neda'.
8Le cuasa naga zua', xúgute̱le dxunle da zrinnaj
lawe' da ba ben Dios dxebézrele̱'a.
9Xrana' Dios ba benne̱' da dxata' xueda' Le̱'.
Ba guzí' Xrana' Dios da dxuchálajle̱na' Le̱'.
10Dxelexedué'e, ne zaj zua lu da sté̱bele̱'e̱ xúgute̱
benne' dxeledábague̱' neda'.
Chadite̱ xelexebigue̱' naga zua', ne xelexedué'ene̱'.
Currently Selected:
Salmos 6: zat
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
