Salmos 29
29
1Le güe lá'ana Xránadxu, le'e, zrale xabáa.
Le güe lá'ana xel-la' szren chee̱', ne xel-la' waca chee̱'.
2¡Da xabáa naca La Xránadxu!
¡Le güe lá'ana na!
Le guzú zríbele lau Xránadxu lá'azxa gate xelé̱'e̱.
3Chi'i Xránadxu dxen na lawe' nísadau'.
Dxen chi'i Dios xabáa ca guziu' da dxenné̱ na.
Dxedá chi'e̱ lawe' nísadau'.
4Dxen chi'i Xránadxu ca naca xel-la' wal-la chee̱ na.
Dxen chi'i Xránadxu dute̱ xel-la' szren chee̱ na.
5Chi'i Xránadxu dxichaj na xaga cedro ca'.
Dxichaj na xaga cedro ca' zaj ze̱ na xi'a Líbano.
6Dxuxrite na xi'a Líbano ca' ca dxelexrite bé̱zredu ca',
na' dxuxrite xi'a Hermón ca tu bé̱zredau'.
7Chi'i Xránadxu dxun na chaze xesa.
8Chi'i Xránadxu dxuxrize na le̱'e̱ xixre' lawe' lataj.
Dxuxrize na le̱'e̱ xixre' chee̱ xe̱zr la xu Cades.
9Chi'i Xránadxu dxuxrize na xaga wal-la ca'.
Dxuchibe na xrlegue xaga ca',
na' lu xudau' chee̱' dxelenná xúgute̱ bénneache:
“¡Gaca ba Dios!”
10Dxenná be'e Xránadxu nísadau' ca'.
Chadía chacanna dxenná be'e̱ ca Wenná Bea.
11Xránadxu Dios dxuzé̱ chache̱' benne' chee̱' ca'.
Dxuzúe̱' le̱' lu da ba neza chee̱ xel-la' dxebeza zri lazre'.
Currently Selected:
Salmos 29: zat
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
