Mark 2:9-11

I da Fo Real Kine Guy, an I like show proof to you guys, dat I get da right inside dis world, fo let da peopo go an hemo da shame dey get fo da bad kine stuff dey wen do. But, easy fo talk bout hemo da shame—anybody can talk lidat. But not easy fo do um. Same ting, easy fo tell one guy dat no can move, ‘Eh, stan up an move aroun!’—anybody can talk lidat. But not easy fo do um. But now, I goin show proof you guys—I goin make dis sick guy come strong.” Dass why he tell da guy, “Eh, stan up! Take yoa mat an go home awready!”