SALMOS 8
8
Masehualme huan ihueyitilis Toteco Dios
1¡TOTECO, ta Cati Tijpiya Nochi Tanahuatili!
Mohueyitilis quitemitía nochi taltipacti.
Huan motatanex quipano ilhuicacti.
Nochi quimatij ta tahuel tihueyi.
2Tiquinnextilijtoc coneme huan pilconetzitzi cati noja chichij ma mitzpaquilismacaca.
Mocualancaitacahua quiitase huan momacase cuenta para tahuel pano hueyi mochicahualis huan yeca ayecmo molinise.
3Quema niquita ilhuicacti cati tijsencajqui,
huan nopa metzti huan sitalime cati tijchijchijqui,
4nimoyolilhuía:
¿Ajquiya tojuanti timasehualme para ta timocuatotonía huan timoilhuía ten tojuanti?
Nelquentzi topati timasehualme para ta techmocuitahuis.
5Techchijtoc timasehualme más tihuejhueyi moixpa que nochi sequinoc.
Techmacatoc tohueyitilis moixpa huan tijchijtoc para nochi cati tijchijchijtoc ma techtepanitaca.
San ta, TOTECO, tieltoc más tihueyi huan techtani ica mohueyitilis.
6Techmacatoc timasehualme tanahuatili ica nochi tapiyalme cati tiquinchijtoc.
Quena, techmacatoc timasehualme para ma tijpiyaca tequiticayot ica nochi tamanti.
7Tiquinnahuatíaj nochi borregojme, huacaxme huan nochi tecuanime cati mosisiníaj.
8Tijpiyaj tequiticayot ica nochi tamanti totome huan michime, huan ica nochi cati itztoque ipan hueyi at.
9¡TOTECO, ta Cati Tijpiya Nochi Tanahuatili!
Nochi masehualme campa hueli ipan nochi taltipacti quimatij ta tahuel tihueyi.
Currently Selected:
SALMOS 8: nchC
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. All rights reserved.
