SALMOS 4
4
Monequi timotemachise ipan Toteco Dios
1Toteco Dios, ta techchijtoc nixitahuac moixpa,
Se favor technanquili quema nimitznojnotza.
Ta cati nochipa techpalehuía quema nitaijyohuía,
ama sempa techtasojta huan xijcaqui quema nimotatajtía.
2“Anmasehualme, xijtacaquilica ya ni:
¿Hasta quema tamis para anpaquise ica na cati más quinamiqui nijselis tatepanitacayot?
¿Hasta quema noja anquinhueyichihuase taixcopincayome cati amo neli Dios?
¿Hasta quema noja anmocahuase ma amechcajcayahuaca?”
3Anmasehualme, xijmatica ya ni.
TOTECO techiyocatalijtoc para tiiaxcahua nochi tojuanti cati techcojtoc.
Huan yaya nechtacaquilía quema nijnojnotza huan nechchihuilía cati nijtajtanía.
4Masque anhuihuipicaj ica cualanti,
amo xitajtacolchihuaca.
Quema anmotectose ipan amotapech huan amo teno molinía,
ximoyolilhuica cati eltoc ipan amoyolo.
5Xijchihuaca cati quinequi TOTECO huan ya nopa elis quej anquimacasquíaj se tacajcahualisti cati quipactía.
Quena, ximotemachica ipan ya.
6Miyac quiijtohuaj:
“Amo aqui huelis techpalehuis.”
Pero ta tihueli, TOTECO.
Techcualita huan techtiochihua.
7Ta tijtalijtoc ipan noyolo más paquilisti,
huan amo quej cati quipiyaj masehualme cati quipixcaj miyac trigo,
o quipiyaj miyac xocomecat iayo.
8Yeca na nimotecas ica paquilisti ipan noyolo huan ica cuali nicochis,
pampa nijmati san ta, TOTECO, techmanahuía huan amo teno huelis se masehuali nechchihuilis.
Currently Selected:
SALMOS 4: nchC
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. All rights reserved.