SALMOS 23
23
TOTECO nechmocuitlahuía
1Quen se tlamocuitlahuijquetl quinmocuitlahuía pilborregojtzitzi,
TOTECO nechmocuitlahuía.
Huan yeca amo tleno nechpolohua.
2Yaya nechsiyajquetza campa onca yejyectzi sacatl catli xoxohuic.
Nechhuica campa mantoc cuali atl catli amo mahuilili.
3Quema ayacmo hueli nimotlanana,
nechmaca yancuic chicahualistli.
Yaya nechyacana ipan ojtli xitlahuac para nijchijtinemis catli cuali,
huan quej nopa nochi quihueyitlalise.
4Masque ninemis ipan tzintlayohuilotl nechca miquilistli,
amo tleno niquimacasis, pampa ta, TOTECO,
tiitztoc nohuaya.
Ica mocuatopil techmanahuía ica catli amo cuali.
Huan ica mocuachijcol catli huehueyac techtilana quema seyoc ojtli nijtoquilisnequi.
5Techsencahuilía se cuali tlacualistli iniixpa nocualancaitacahua.
Ica aceite techpajtía campa nimococojtoc.
Techtiochijtoc hasta mocahua.
6Nijmati para ta, TOTECO, techyacanas nochi nonemilis ica motlaicnelijcayo,
pampa tijpiya hueyi moyolo nohuaya.
Huan teipa nimocahuas mohuaya ipan mochaj nepa ilhuicac para nochipa.
Currently Selected:
SALMOS 23: nhwW
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. All rights reserved
