Romanos 4:7-8

Jo̱ lalab cajíngꞌˉ i̱ dseata˜ do ie˜ malɨɨ˜guɨ do: ¡Jo̱ eáamˊ juguiʉ́ˉ quiáꞌˉ jaléngꞌˋ dseaˋ mɨ˜ Fidiéeˇ nɨcaꞌíiñˉ dseeˉ quiáꞌˉ lajaléꞌˋ e gaˋ e nɨcajméeiñˋ, jo̱guɨ e nɨcaleáangˋneiñꞌ jee˜ jaléꞌˋ dseeˉ quiáiñꞌˉ! Jo̱ eáamˊ juguiʉ́ˉ quiáꞌˉ jaléngꞌˋ dseaˋ i̱ joˋ iʉ˜ dsíiˊ Fíiˋnaaꞌ Fidiéeˇ jaléꞌˋ dseeˉ e nɨcaꞌéeiñˋ. Jo̱ lanab jí̱i̱ꞌ˜ lɨ́ɨˊ júuˆ quiáꞌˉ dseata˜ dseaˋ féngꞌˊ Davíꞌˆ.