Romanos 3:10-12

Co̱ꞌ lalab féꞌˋ fɨˊ ni˜ jiˋ quiáꞌˉ Fidiéeˇ: ¡Jaˋ seengˋ jí̱i̱ꞌ˜ jaangˋ dseaˋ faꞌ e éerˋ røøˋ contøøngˉ! ¡Co̱ꞌ dseángꞌˉ jí̱i̱ꞌ˜ jaangˋ dseángꞌˉ jaˋ i̱i̱ˋ seengˋ i̱ jmóoˋ lajo̱! Jo̱guɨ jaˋ seengˋ dseaˋ i̱ quɨ́ɨꞌ˜ jmɨɨ˜ ningángꞌˋ, o̱ꞌguɨ i̱ iing˜ niꞌnángꞌˊ Fidiéeˇ cajo̱. Co̱ꞌ lajɨɨmˋ dseaˋ nɨcacá̱rˉ fɨˊ gaˋ, jo̱guɨ lajɨɨmˋ cajo̱ jaˋ eeˋ uiing˜ seaˋ quiáꞌrˉ jí̱i̱ꞌ˜ co̱o̱ˋ. ¡Co̱ꞌ jaˋ seengˋ jaangˋ dseaˋ faꞌ i̱ éeˋ røøˋ! ¡Co̱ꞌ dseángꞌˉ jí̱i̱ꞌ˜ jaangˋ dseángꞌˉ jaˋ i̱i̱ˋ seengˋ i̱ jmóoˋ lajo̱!