Romanos 14:11-12

Co̱ꞌ lalab féꞌˋ Fíiˋnaaꞌ Fidiéeˇ fɨˊ ni˜ jiˋ quiáꞌrˉ: Jnea˜ Fidiéeˇ fáꞌˉa e dseángꞌˉ e jáꞌˉbaꞌ e seenˉ, jo̱guɨ fɨˊ quiniˇbaa lɨ˜ nisíꞌˋ lajɨɨngˋ dseaˋ uǿˉ jnir˜ e laco̱ꞌ nijmiféiñꞌˊ jnea˜, jo̱guɨ nijíñꞌˉ e jí̱i̱ꞌ˜ jneab˜ Fidiéeˇ. Jo̱ lanab féꞌˋ Fidiéeˇ fɨˊ ni˜ jiˋ quiáꞌrˉ. Jo̱ co̱ꞌ lajo̱b nilíˋ, jo̱baꞌ lajaangˋ lajaamˋ jneaa˜aaꞌ ꞌnéˉ e niguiéeˆnaaꞌ júuˆ fɨˊ quiniˇ Fidiéeˇ mɨ˜ tɨˊ lɨ˜ nitɨ́ˉ íꞌˋ e niquidsirˊ íꞌˋ quíˉiiꞌ.