Zacarías 9
9
1-8(-)
Israelita ainan apuri atin taatnaiti tusa Zacarías etserkamu
9¡Yaakat Siónnumia shuar ainata senchi shir aneastarma!
¡Yaakat Jerusalénnumia shuar ainata shir aneakrum kantamatarma!
¡Atumi apuri pegkerchaun takachua nu,
tura nepetmauwa nu,
turasha nigka kakakchau jas,
burro uchirin ekeemas
wina nu iistarma! tusarum titin ataarma, tusa tinaiti.#Mt 21.5
10Efraín weantu carretari maaniaku wekatai ainan emestuktinaitjai.
Tura Jerusalénnumia caballo maaniaku wekatai ainancha ijinatnaitjai.
Tura nagkiri ainancha kupiratnaitjai.
Nuna tura nayantsanam matsamin aina,
entsa Éufratesnum matsamin aina,
tura ashi nugka nagkattramunam matsamin ainasha maanitsuk agkan pujusarti, tusa titinaiti.
Tura ni apu jas inamratnaiti Yuus tawai, tusa Zacarías tinaiti.
Israel shuar ainan nita nugken awakeartinaitjai tusa Yuus timau
11Wii atumjai chichaman umikuitaj nu metek umiakrum, atumka tagku numpe main ainarme. Tuma asaakrumin Israel shuar ainatirminka achikar nugka taimunam entsa atsamunam egkeam pujumaina numamtuk, achirmak chikich nugkanam juramkiarmatai pujarmin wii yaruakan atumi nugkenig apujsan agkanmamtikatnaitjarme.#Mt 26.28; Lc 22.20
12Atum achikmau ainatiram Yuusapi yainmaktatjia tu
enentaimtursarum pujautirmeka,
atumin yaaktarin waketkittarme.
Tura nuiyasha atum waittsau akurmincha
atumnau yaunchuk ajakua nuna inagkasan susattajrume tusan tajarme.
13Griego shuar ainanka,
Judá weantu ainajai,
tura israelita ainajai maanimtikkun ijinatnaitjai, tusa tinaiti.
14Yuus ninu ainanka yaigtinaiti,
turamu asa Yuusa flechari aina ekenmauka pem petuk urukawa numamtuk jatnaiti.
Yuus kachun umpuartinaiti, turak etsa watainmani
nasenam pachitkau winitnaiti.
15Yuus ashi senchirtina nu,
ninu ainanka kuitamkatnaiti.
Turamu asa nita shuari ainanka
nita nepetkar ijinawartin ainawai.
Tura nita magkartutairi ainan kupirartinaiti,
turawar shir anenak vinon nukap umarartinaiti,
tumainak nampekua numamtuk pampainiartinaiti.
Tagku aina maa patasa epetain ukattrartasa numpan tazónkanam yara aimin aina numamtuk,
shikika umutainam vinon yarawar aimiartinaiti.
16Nu tsawan jeakaigka
ovejan kuitamin ovejarin ayamrina numamtuk,
winau ainanka wii ayamruktinaitjai.
Turamu asar nita nugken waketar pujusar etsegkrutai kaya pegker aina
anujtura najanamu winchamtin awa numamtuk,
nitaka eme anentsa iitai artinaiti.
17Nu yaaktanmagka shir pegker atinaiti,
Trigo aina, tura vino ainasha shir nukap au asamtai nuna yuina asar, tura nuna umuina asar
uchi aishmag aina, tura uchi nuwa ainaka
jamamtinchau kakaram pegker tsakartin ainawai, tusa Yuus tinaiti.
Currently Selected:
Zacarías 9: hubDBL
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
