Salmos 32
32
Shuar tunau takasmaurin etsertumak tsagkurnarmau pachisa timau
1Shuar tunau takasmaurin etserkamtai Yuus
ashi tsagkura pegkermamtikamuka shir aneastinaiti.
2Shuar pegkerchauwa nunak takastasa enentaimtus wekaichu,
tura tunauri tsagkura uwemtikramusha shir aneastinaiti.#Ro 4.6-8
3Antsu wina tunaurun amina ujatsuk pujaknaka,
tsawantai tuke wake mesemar nekapmiajai
tumakun aya jamiajai.
4Apuru, tsawaisha tura káshisha
wii waittsatin surusu asaakmin,
yagkur etsa sukuam kaawa numamtuk,
senchirtinchau nekapmiajai.
5Turasha apurun tunaurun ujaktajai tu enentaimran:
Wina tunaurunka pegkesha utsuk ashi ujakmiajme.
Tura apuru, ame wina tunauruka tsagkurturuitme.#Sal 51.1-4
6Tumau asaakmin amina umirtamin ainaka iturchatnum pujuinakka,
amina ujatmamain ainawai.
Tura nujag nugkan amuakaisha nita nugkenka amurchatnaiti.
7Ametme wii ajamataimka:
Ame wii ashammainnum pujakaisha ayamrutme.
Tumau asaakmin, wika agkan pujau asan shir aneakun amina kantamrajme.
8Wina Yuusur chichartak:
“Wika aminka wainjame,
tura asan jintintatjame,
chicharkatjame,
tura wii wakeramu ainaka juwaiti tusan nekamtikatjame.
9Caballon, turachkusha burronkesha
enentaimkachu asamtai,
shuar jagken jigkatawar, yaja weakai mai japi mai japi amajin aina numamtuk,
winaka nakitrayatrumka umirtumain ainatsrume.
Nu tagku aina jigkaa juachmaka wechauwa numamtin airpa”, tusa Yuus tinaiti.#Stg 3.3
10Shuar tunaun takau ainaka senchi waittsartin ainawai.
Antsu shuar Yuusan nekaspapita tuina nunaka ni wait anegkrattairijai nigki kuitamui.
11Atumi apuri pegker enentaimtusrum shir aneastarma.
Tura pegker takarkurum shir aneasrum kantamatarma.
Currently Selected:
Salmos 32: hubDBL
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
