Salmos 16
16
Yuus wina surustina nuka shir pegkeraiti
1Yuusru, wika amina nekaspapita tajame,
tuma asamtai ame winaka kuitamrukta.
2Wika amina chicharkun:
“Ametme wina apur ima pegkermeka,
amijai metek chikichka
pegke atsawai timajme.
3Shuar ju nugkanam pujusar
winak umirtuina nuka,
wina pegker enentaimtikruinawai”.
4Turasha shuar nita yuusrimattsa kaya najanamun eme anentas iiyainak:
“Ametme nekas yuusmeka tusar tuinaka waittsartin ainawai.
Tura tagkun maawar nuna numpejai nita yuusrimamun ukatainakaisha pegke pachikchattajai,
tura nitan naarincha pachisan pegke tichattajai”.
5Yuusa,
ameketme wina ashi surustinmeka,
pegker aina nuka wina surusuitme, ame pujut surusu
asaakmin ima aminak umirkatjame.
6Wii pujustin shir pegkera nunaka Yuus surusuiti.
Winau amainan Yuus surusua nuka shir pegkeraiti.
7Pegker pujusta tusa káshisha ni jintintrau asamtai,
wika Yuusrun pachisan pegker chichattajai.
8Wina apurka wijai tuke pujawai.
Tuma asamtai chikichkiksha winaka pegke awaktumaitsui.
9Tuma asamtai wina enentairui shir aneasan nakunkut pujajai,
chichaaknasha shir aneasan chichaajai.
Tura mantuawarmataisha nantaktinapitja tau asan, shir aneasan pujajai.
10Wina wakantruka ikukrattainmagka
ameka inaitursashtinaitme,
tura wina anetair pegkera nu kaurtii tusamka
wina iyashruka inaitursashtinaitme.
11Ame jinta pujut nagkanchaunam jea nu inaktursatnaitme.
Ame wini pujau asaakmin,
shir aneasan pujajai.
Tura amina pujutairmin wakanka,
tuke shir aneasan pujustinaitjai.
Currently Selected:
Salmos 16: hubDBL
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
