Salmos 82
82
1Dio gyaꜗ jeeˊ dsaˉñeeꜙ läꜙjë̱ë̱ꜙ jwëëꜚ
hi̱ˉ jmää˜ hñiiꜘ läꜙko̱o̱ˉ dio,
mahꜗ llayꜗ taˊ kihꜗ hi̱ˉ heꜘ, mahꜗ jäyhꜘ läꜙlaˉ:
2“¿Lɨhꜘ baˊ llahˈ hnähꜘ taˊ läꜙko̱hꜘ lleˋ kihˈ?
¿Heˉlaˈ tä̱ä̱hˊ hnähꜘ nëˊ kihˈ hi̱ˉ hñaaˉ dsëꜗ?
3Nooˉ hnähꜘ nëˊ kihˈ hi̱ˉ saꜙ chaˉ beꜘ kihꜗ,
kihꜗ hi̱ˉ hnɨɨꜘ, kihꜗ hi̱ˉ täˉñeeꜘ hiꜙ kihꜗ hi̱ˉ llaˉkya̱a̱ꜗ.
4Lä̱ä̱ˋ hnähꜘ hi̱ˉ saꜙ chaˉ beꜘ kihꜗ hiꜙ läꜙja̱ˉ hi̱ˉ täˉñeeꜘ.
Nooˉ nëˊ kiyhˈ mahꜗ saꜙ ka̱a̱hꜗ hi̱ˉ hñaaˉ dsëꜗ.
5ʼSaꜙ kyu̱u̱h˜ hnähꜘ niꜙ saꜙ ngëëhꜘ hnähꜘ,
heˉja̱ˉ laꜗ läꜙko̱hꜘ heˉ tä̱ä̱hˊ hnähꜘ jeeˊ naˉho̱o̱ˉ baˊ.
Kwa̱a̱t˜ kyahꜗ hnähꜘ hiiꜘ gooˉ he̱e̱ꜘ jmɨˉgyʉʉꜙ,
läꜙko̱hꜘ heˉ jeh˜ hʉʉˊ tɨɨˊ jmɨˉgyʉʉꜙ baˊ laˈ.
6ʼJnäꜘ jwahnꜙ, hnähꜘ la̱a̱hꜗ läꜙko̱o̱ˉ dio,
läꜙjë̱ë̱ꜙ baˊ hnähꜘ la̱a̱hꜗ jo̱o̱ꜘ hi̱ˉ gyaꜗ gyʉʉhˈ.
7Ju̱u̱ꜘ hnähꜘ läꜙko̱hꜘ lleˋ kyahˈ hnähꜘ.
Hiꜙ läꜙko̱o̱ˉ dsaˉnääꜗ taꜙ hwaꜗ läꜙjë̱ë̱ꜙ hi̱ˉ kye̱ˉ taˊ jʉʉhˉ,
läꜙja̱ˉ leꜘ kyahꜗ hnähꜘ”, gaꜙjähꜘ Dio.
8Hneˉ Dio kya̱a̱nꜙ, nooˉ mahꜗ llaˊ taˊ läꜙka̱a̱ˉ jmɨˉgyʉʉꜙ,
jëëhꜘ ja̱a̱ˉ hneˉ baˊ la̱a̱hˈ jʉʉˊ dsaˉ jmɨˉgyʉʉꜙ.
Currently Selected:
Salmos 82: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
