Salmos 60
60
1Hneˉ Dio kya̱a̱nꜙ gaꜙjmäähˋ jnäähꜗ taꜙ kooꜘ,
gaꜙjmeehˊ kuˈji̱i̱ꜙ kya̱a̱ꜗ jnäähˈ.
Maˉläˉlle̱e̱hꜘ kya̱a̱ꜗ jnäähꜗ,
heˉja̱ˉ kwëëhˋ jnäähꜗ kaˉlähꜘ beꜘ.
2Gaꜙjmeehˊ gaꜙjehꜗ hwaꜗ läꜙji̱i̱hˈ gaꜙnaꜘ.
Jmeehˋ kaˉlähꜘ jeeˊ gaꜙnaꜘ ja̱ˉ,
haˉ gaˉ cheˉ gaꜙsaꜗ gaꜙhlaꜗ goˉte˜.
3Chaˉmiihˉ wɨɨꜘ maˉheehˋ dsaˉ kya̱a̱hꜗ.
Dsaˉtuꜘ dsaˉjä̱ä̱yꜘ, läꜙko̱o̱ˉ heˉ maˉkwëëyhˋ maˉhɨ̱yhꜗ jmɨɨˉ hä̱ä̱ˈ.
4Maˉhiihꜘ hmɨɨhˉ heˉ jmeeꜙ lii˜
heˉ chehꜗ nëˊ kihˈ hi̱ˉ ga̱hꜙ hneˉ, mahꜗ lä̱ä̱yꜘ kihꜗ flecha.
5Nʉʉˉ kya̱a̱ꜗ jnäähˈ, lä̱ä̱ˋ jnäähˈ kya̱a̱hˊ beꜘ kyahꜗ,
lä̱ä̱ˋ hi̱ˉ hnaahꜙ.
6Läꜙ gaꜙtëꜘ nehꜙ gwahꜙ maˉjähꜘ Dio:
“Chaˉ heˉ kihꜗ heˉ jë̱ë̱ˉ dsënꜙ.
Nɨɨnˋ naˊtiˉ naˊlloohnˈ hwaꜗ kihꜗ Siquem mahꜗ kwëëhnꜚ dsaˉ kya̱a̱nꜙ.
Nɨɨnˋ naˊllanˈ hihꜙ mahꜗ tiˉlloohnꜚ hwaꜗ kihꜗ Sucot.
7Läꜙja̱ˉ hwaꜗ kihꜗ Galaad, hiꜙ hwaꜗ kihꜗ Manasés laꜗ kinꜙ.
Efraín la̱a̱yꜗ läꜙko̱hꜘ mɨˈkyahˊ heˉ häˊ llenꜙ.
Hiꜙ saˊju̱ˉ kihꜗ Judá ngooꜗ baˊ hwë̱ë̱ꜙ hi̱ˉ la̱a̱ꜗ dsaˉtaˊ ka̱a̱hˊ.
8Moab la̱a̱yꜗ läꜙko̱hꜘ palaga̱a̱ˊ heˉ haaˊ jmɨɨˉ gyihnꜚ goonꜙ.
Edom, ko̱o̱ˉ jmeeyꜗ taˊheꜗ kinꜙ baˊ.
Peerꜙ jë̱ë̱ˉ dsënꜙ hoohˊ dsa̱a̱nꜙ kihꜗ heˉ maˉlë̱ë̱hnꜙ dsaˉ Filisteo”, gaꜙjähꜘ Dio.
9¿Hi̱i̱ˉ naˉ jä̱ä̱ꜗ jnäꜘ jeeˊ jwɨɨˉ jeeˊ tä̱ä̱hˊ hi̱ˉ hä̱ä̱ˈ?
¿Hi̱i̱ˉ naˉ ka̱ꜗ nëˊ kinꜙ, dsooꜗ läꜙ gaꜙtëꜘ Edom?
10¿Cheˊ ja̱ꜙ heꜘ hneˉ Dio kya̱a̱nꜙ hi̱ˉ gaꜙbe̱e̱ꜗ jnäähˈ,
hneˉ hi̱ˉ moꜙsoꜙ goˉhë̱ë̱ˈ kya̱a̱hˊ hi̱ˉ dsaˉnääꜗ jeeˊ hniiˉ?
11Kwaˊ beꜘ kya̱a̱ꜗ jnäähˈ mahꜗ le̱hꜙ jnäähˈ kihꜗ hi̱ˉ naˉhøøhˊ.
Jëëhꜘ beꜘ kihꜗ dsaꜙ saꜙ jmääꜗ niꜙ miihˉ.
12Kya̱a̱hˊ beꜘ kihꜗ Dio le̱hꜙ jneˊ.
Hñiiꜘ bihꜗ heˊsoyhꜗ nëˊ kihˈ hi̱ˉ naˉhøøhˊ jnänˋ.
Currently Selected:
Salmos 60: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
