Salmos 43
43
1Hneˉ Dio kya̱a̱nꜙ, miˊeeˈ juuˈ kinꜙ hiꜙ nooˉ nëˊ kwa̱a̱t˜ kinꜙ kihꜗ läꜙjë̱ë̱ꜙ dsaˉ hi̱ˉ saꜙ ga̱hꜙ hneˉ.
Lä̱ä̱ˋ jnäꜘ kihꜗ hi̱ˉ hñaaˉ dsëꜗ, lä̱ä̱ˋ jnäꜘ kihꜗ hi̱ˉ taˉju̱u̱ˈ.
2Jëëhꜘ hneˉ la̱a̱hꜗ Dio hi̱ˉ chehꜗ nëˊ kinꜙ.
¿Heˉlaˈ maˉläˉø̱ø̱hꜘ kinꜙ?
¿Heˉlaˈ ngënˋ tiˉmeehˉ dsënꜙ kihꜗ juuˈ paˊjnaahˊ
heˉ hlëëhꜙ hi̱ˉ naˉhøøhˊ kinꜙ?
3Miˉjnääˈ waˊjeˉ kyahꜗ kya̱a̱hˊ juꜗdsooꜘ kyahꜗ,
mahꜗ heˉ laˉ jä̱ä̱ꜗ jnäꜘ.
Waˊjeˉ kya̱a̱hˊ juꜗdsooꜘ kyahꜗ jä̱ä̱ꜗ jnäꜘ
taꜙ mohꜘ naˉjngɨɨˈ kyahꜗ jeeˊ laˈ hø̱ø̱hꜗ jeeˊ ñehꜘ.
4Dsaˉhenꜘ jeeˊ chihˈ naˊhyooꜘ kihꜗ Dio,
Dio hi̱ˉ jmeeꜙ cha̱a̱nˉ lluꜗ, hi̱ˉ jmeeꜙ jë̱ë̱ˉ dsënꜙ.
Jeeˊ naˉ naˊhänˈ kyahꜗ kya̱a̱hˊ tu̱ˉ
heˉ chooˈ chaˉmiihˉ sɨˊñeꜗ,
hänˋ kyahˈ hneˉ Dio hi̱ˉ la̱a̱ꜗ Dio kya̱a̱nꜙ.
5¿Heˉlaˈ jehnꜚ dsënꜙ, heˉlaˈ ka̱ˋ gaˊ jnäꜘ hʉʉˊdsëˉ?
¿Heˉlaˈ saꜙ ka̱nˋ hʉʉˊdsëˉ kihꜗ Dio baˊ?
Jëëhꜘ lloo˜ ko̱o̱ˉ jmɨɨˊ häˋ gaˊ jnäꜘ kiyhꜗ kaˉlähꜘ.
Jëëhꜘ hi̱ˉ heꜘ baˊ la̱a̱ˈ Dio kya̱a̱nꜙ hi̱ˉ lä̱ä̱˜ jnäꜘ.
Currently Selected:
Salmos 43: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
