Salmos 20
20
1Waˊ nʉʉꜘ DSAˉJØ̱Ø̱Hˈ jnänˋ kyahꜗ hneˉ
läꜙ maˊ cha̱a̱hˉ dsooˊ jmɨˊwɨɨꜘ.
Dio kya̱a̱ꜗ Jacob waˊ hä̱ä̱ˈ hneˉ.
2Waˊ kwayꜘ beꜘ kyahꜗ läꜙ gaꜙtëꜘ gwahꜙ jeeˊ gyayˈ.
Läꜙ gaꜙtëꜘ jwɨɨˉ Sión waˊ hä̱ä̱yˈ hneˉ.
3Waˊ jmeeꜘ Dio kwa̱a̱t˜ läꜙjëꜙ heˉ maˉkwëëhˋ hnihꜘ,
hiꜙ läꜙja̱ˉ waˊ tɨh˜ baˊ dsëyˈ
läꜙjëꜙ heˉ jë̱ë̱hꜙ kiyhꜗ nëˊ naˊhyooꜘ.
4Waˊ kwëëyhˈ hneˉ läꜙko̱hꜘ hnoohˉ hñaahꜗ.
Waˊ miˉteyꜗ läꜙko̱hꜘ laꜗ hʉʉˊdsëˉ heˉ jmeehˉ.
5Mahꜗ läꜙja̱ˉ läꜙcha̱a̱ˉ jnäähˈ lluꜗ
waˊraˉ gaꜙnʉʉˊ jnäähꜗ heˉ gaꜙlë̱hꜗ.
Hiꜙ chooˊ jnäähꜗ hmɨɨhˉ heˉ jmeeꜙ jʉʉhˉ kihꜗ Dio jnänˋ.
Waˊ miˉteyꜗ läꜙjëꜙ heˉ chu̱u̱hꜘ kya̱a̱yhˊ.
6Jnäꜘ manꜙ kweeˉ,
DSAˉJØ̱Ø̱Hˈ jnänˋ lä̱ä̱˜ hi̱ˉ naˉlle̱e̱hˊ kya̱a̱yˈ.
Hiꜙ Dio nuuˉ läꜙ gaꜙtëꜘ gyʉʉhˈ jmɨˉgyʉʉꜙ,
mahꜗ lä̱ä̱yꜗ kya̱a̱hˊ chaˉmiihˉ beꜘ kiyhꜗ.
7Ko̱ˉlla̱a̱ˊ kye̱ˉ oˉjø̱hꜙ dsëˉ kihꜗ kyaˊjɨɨhˊ kya̱a̱ˈ,
hiꜙ läꜙja̱ˉ kye̱yˉ oˉjø̱hꜙ dsëˉ kihꜗ carro kihꜗ hniiˉ kiyhꜗ.
Pero jneˊ kye̱nˊ oˉjø̱hꜙ dsëˉ kihꜗ Dio DSAˉJØ̱Ø̱Hˈ jnänˋ baˊ.
8Hi̱ˉ kye̱ˉ oˉjø̱hꜙ dsëˉ kihꜗ hñiiꜘ,
hi̱ˉ heꜘ baˊ naˉ dsaˉtë̱hꜗ mahꜗ dsaˉtä̱yhꜙ.
Pero jneˊ, läꜙ maˉtøøhˊ baˊ jneˊ ko̱o̱ˉ hwehˉ kya̱a̱hˊ beꜘ kihꜗ Dio.
9Hneˉ DSAˉJØ̱Ø̱Hˈ kya̱a̱nꜙ,
kwëëhˋ beꜘ hi̱ˉ la̱a̱ꜗ dsaˉtaˊ jø̱ø̱hꜗ kya̱a̱ꜗ jnäähˈ.
Nʉʉˉ kya̱a̱ꜗ jnäähˈ jmɨɨˊ läꜙ maˊ chu̱u̱ꜘ jnäähˈ kya̱a̱hˊ hneˉ.
Currently Selected:
Salmos 20: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
