Salmos 130
130
1Läꜙ gaꜙtëꜘ jeeˊ gyanˊ jëën˜ wɨɨꜘ,
chu̱u̱nꜘ kya̱a̱hˊ hneˉ DSAˉJØ̱Ø̱Hˈ kya̱a̱nꜙ.
2Hneˉ DSAˉJØ̱Ø̱Hˈ kya̱a̱nꜙ, nʉʉˉ heˉ chu̱u̱nꜘ kya̱a̱hˊ hneˉ.
Jmeeˊ heꜗ heˉ kɨˊhoohnˊ jeeˊ ngɨɨnꜙ kinꜙ.
3Cherˊmahꜗ saꜙ ko̱o̱hˈ hohꜘ kihꜗ läꜙjëꜙ heˉ dsaˉhlä̱ä̱hꜙ jnäähˈ kya̱a̱hˊ hneˉ, ¿haˉ baˊ taꜙ lä̱ä̱ꜘ jnäähˈ ja̱ˉ?
4Pero hneˉ, jø̱hˉ baˊ hohꜘ,
heˉja̱ˉ baˊ ga̱hꜙ dsaˉ hneˉ.
5Kihꜗ DSAˉJØ̱Ø̱Hˈ kya̱a̱nꜙ baˊ jø̱ø̱n˜ jëënꜚ haˉ läꜙ jmeeyꜗ.
Chaˉ baˊ oˉjø̱hꜙ dsëˉ kinꜙ kihꜗ juuˈ heˉ gaꜙbä̱ä̱yhˉ hñiiyꜘ.
6Haˉ ko̱hꜘ saꜙ hnoonꜗ heˉ kwaꜗ DSAˉJØ̱Ø̱Hˈ kya̱a̱nꜙ beꜘ kinꜙ.
Läꜙko̱o̱ˉ jmeeꜙ hi̱ˉ tä̱ä̱hˊ naˉnëˊ läꜙta̱a̱ˈ hwëꜗ,
hnøøyꜗ waˊraˉ jähꜘ kihꜗ naꜗ gaˉjʉhˉ baˊ maˉjnäꜗ,
läꜙja̱ˉ laꜗ kinꜙ heˉ jø̱ø̱n˜ kihꜗ DSAˉJØ̱Ø̱Hˈ kya̱a̱nꜙ.
7Hnähꜘ dsaˉ Israel,
waˊ chaˉ oˉjø̱hꜙ dsëˉ kyahꜗ hnähꜘ kihꜗ DSAˉJØ̱Ø̱Hˈ jnänˋ.
Jëëhꜘ Dsaˉjø̱ø̱hˈ jnänˋ baˊ läˉñihꜘ dsëꜗ jneˊ.
Haˉ ko̱hꜘ saꜙ hnøøyꜗ lä̱ä̱yꜗ jneˊ.
8Hñiiꜘ bihꜗ lä̱ä̱yꜗ dsaˉ Israel
kihꜗ läꜙjëꜙ goˉte˜ heˉ hlɨɨhˈ heˉ maˉjmeeyꜘ.
Currently Selected:
Salmos 130: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
