Salmos 128
128
1Lluꜗ laꜗ kihꜗ läꜙjë̱ë̱ꜙ hi̱ˉ ga̱hꜙ DSAˉJØ̱Ø̱Hˈ jnänˋ,
läꜙja̱ˉ läꜙjë̱ë̱ꜙ hi̱ˉ gaꜙnääˊ jwëꜘ kiyhꜗ.
2Jëëhꜘ kuhˈ baˊ hneˉ kihꜗ läꜙjëꜙ taˊ heˉ jmeehˉ.
Peerꜙ läꜙcha̱a̱hˉ lluꜗ, läꜙjëꜙ baˊ yaꜙhɨɨꜗ lluꜗ kyahꜗ.
3Kihꜗ dsaˉmëꜘ kya̱a̱hꜗ läꜙcha̱a̱ˉ jwë̱ë̱ꜘ gyʉ̱ʉ̱ˉ,
le̱e̱yꜘ läꜙko̱o̱ˉ chahˈ wɨ̱ɨ̱ˉ jëhˈ heˉ naˉta̱a̱ꜘ chaˊnehꜙ kyahꜗ.
Hiꜙ chihˉ kya̱a̱hꜗ dsaˉta̱a̱hˋ läꜙkuˊ läꜙji̱i̱ꜗ nëˊ mes˜ kyahꜗ,
le̱e̱yꜘ läꜙko̱o̱ˉ chaˉmiihˉ chahˈhmaˉ olivo.
4Jëëˋ daˊ, haˉ ko̱hꜘ saꜙ miˉjä̱ä̱ꜗ DSAˉJØ̱Ø̱Hˈ jnänˋ,
hi̱hꜗ dsaˉñʉʉhˉ hi̱ˉ ga̱yhꜙ.
5Waˊ miˉjä̱ä̱ꜗ DSAˉJØ̱Ø̱Hˈ jnänˋ hneˉ,
läꜙko̱o̱ˉ jmeeyꜙ kihꜗ jwɨɨˉ Sión.
Läꜙja̱ˉ waˊ cha̱a̱ˉ lluꜗ hi̱ˉ tä̱ä̱hˊ jwɨɨˉ Jerusalén
taˊko̱ˉji̱i̱hˈ jëëhꜘ jmɨˉgyʉʉꜙ.
6Läꜙja̱ˉ waˊ kwaꜘ Dio jwëˈ jëëhˈ läꜙcha̱a̱ˉ gyʉ̱ʉ̱ˉ lloohˋ.
Waˊ hiiꜘ tiiˊ kihˈ dsaˉ Israel.
Currently Selected:
Salmos 128: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
