Salmos 121
121
1Waˊraˉ gaꜙjëënꜗ taꜙ jeeˊ tø̱ø̱ꜘ mohꜘ, gwaꜘ hʉʉˊdsëˉ kinꜙ:
“¿Haˉ baˊ taꜙ jäꜙ hi̱ˉ kwaꜗ beꜘ kinꜙ?”
2Taꜙlaꜙ kihꜗ DSAˉJØ̱Ø̱Hˈ kya̱a̱nꜙ hi̱ˉ gaꜙjmeeꜘ gyʉʉhˈ hwaꜗ,
kihꜗ hi̱ˉ heꜘ baˊ jäꜙ beꜘ kinꜙ.
3Ji̱hˊko̱hꜘ saꜙ kwayꜗ jwëˈ tä̱hꜙ hneˉ,
niꜙ saꜙ gwɨ̱ɨ̱ˉ hi̱ˉ hä̱ä̱˜ hneˉ.
4Hi̱ˉ hä̱ä̱˜ dsaˉ Israel saꜙ gwɨ̱ɨ̱yˉ,
hiꜙ niꜙ saꜙ gwaꜘ läꜙgwɨ̱ɨ̱yꜙ.
5DSAˉJØ̱Ø̱Hˈ jnänˋ baˊ hi̱ˉ hä̱ä̱˜ hneˉ,
hi̱ˉ heꜘ jmeeꜙ ko̱ˉjø̱hꜘ kya̱a̱hˊ hneˉ mahꜗ kwayꜗ beꜘ kyahꜗ.
6Taꜙlaꜙ jmɨɨˈ, saꜙ kwayꜗ jwëˈ ka̱a̱hꜘ kya̱a̱hˊ hyooˉ,
hiꜙ läꜙja̱ˉ kaˉlähꜘ kya̱a̱hˊ sɨhˉ taꜙlaꜙ hwëˈ.a
7DSAˉJØ̱Ø̱Hˈ jnänˋ hä̱ä̱˜ hneˉ kihꜗ läꜙjëꜙ heˉ hlɨɨhˈ
hiꜙ ngooꜗ baˊ hä̱ä̱y˜ hneˉ taˊko̱ˉji̱i̱hˈ cha̱a̱hˉ jmɨˉgyʉʉꜙ.
8Hi̱ˉ heꜘ hä̱ä̱˜ hneˉ chaˊjwëꜗ waˊ haˉ chaˉ haˉ jeeˊ gaꜙlloohꜘ.
Läꜙja̱ˉ jmeeyꜙ jmɨɨˊ naˈ
hiꜙ läꜙja̱ˉ kaˉlähꜘ gaꜙläꜙjëꜙ johꜘ jmɨɨˊ chaˉ.
Currently Selected:
Salmos 121: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
