Salmos 101
101
1Hänˋ kyahˈ kihꜗ heˉ lluꜗ hohꜘ
hiꜙ kihꜗ heˉ jmeehˉ heˉ lluꜗ jmahꜗ.
Kyahꜗ hneˉ baˊ hänˋ DSAˉJØ̱Ø̱Hˈ kya̱a̱nꜙ.
2Ngooꜗ baˊ jnäꜘ kwanˋ beꜘ mahꜗ saꜙ hlä̱ä̱hnꜙ kya̱a̱hˊ hneˉ.
¡Haˉ ko̱hꜘ saꜙ llaˉkya̱a̱nꜗ hneˉ!
Hnoonꜗ ngënˋ kya̱a̱hˊ ko̱o̱ˉ nëˊ baˊ hʉʉˊdsëˉ,
toˉnëˊ daˊ kya̱a̱hˊ hi̱ˉ cha̱a̱ˉ kinꜙ.
3Moꜙsoꜙ toohnꜚ gaˊ llenꜙ hʉʉˊdsëˉ hlɨɨhˈ.
Saꜙ läꜙjëënꜚ läꜙjëꜙ heˉ jmeeꜙ hi̱ˉ dsaˉka̱h˜ jwëꜘ.
Ji̱hˊko̱hꜘ saꜙ jmeenˋ ko̱ˉjø̱hꜘ kya̱a̱yhˊ.
4Jmeenˋ taꜙ kooꜘ läꜙjëꜙ hʉʉˊdsëˉ hlɨɨhˈ.
Niꜙ miihˉ saꜙ ta̱a̱hnꜚ hñiinꜙ kya̱a̱hˊ heˉ hlɨɨhˈ.
5Jnenˋ hooˊ hi̱ˉ hlëëhꜙ wɨɨꜘ kihꜗ dsaˉkya̱a̱hˊ jeeˊ naˉhmääˊ.
Saꜙ kwëëhꜗ dsënꜙ kya̱a̱hˊ hi̱ˉ hlëëhꜙ juuˈ ta̱a̱hꜗ,
läꜙja̱ˉ saꜙ kwëëhꜗ dsënꜙ kya̱a̱hˊ hi̱ˉ jmää˜ hñiiꜘ ka̱a̱hˊ.
6Hnaahnꜚ ja̱a̱ˉ hi̱ˉ miˉteꜗ juuˈ kihꜗ,
mahꜗ jmeenˋ ko̱ˉjø̱hꜘ kya̱a̱yhˊ.
Hi̱ˉ ngëꜙ ko̱o̱ˉ nëëˈ baˊ he̱hꜗ kya̱a̱hˊ jnäꜘ.
7Chaˊnehꜙ kinꜙ saꜙ gyaꜙ hi̱ˉ miˉga̱a̱ꜙ dsaˉ.
Niꜙ ja̱a̱ˉ hi̱ˉ taˉju̱u̱ˈ saꜙ dsaˉta̱a̱hˋ chaˊnënꜙ.
8Läꜙjëꜙ jmɨɨˊ baˊ jnenˋ jwëꜘ kihꜗ hi̱ˉ hñaaˉ dsëꜗ.
Hwë̱ë̱nˊ läꜙjë̱ë̱ꜙ hi̱ˉ jmeeꜙ heˉ hlɨɨhˈ jeeˊ tä̱ä̱yhˊ jeeˊ jwɨɨˉ kihꜗ DSAˉJØ̱Ø̱Hˈ jnänˋ.
Currently Selected:
Salmos 101: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
