Salmos 100
100
1Läꜙjë̱ë̱ꜙ hnähꜘ hi̱ˉ cha̱a̱ˉ hwaꜗ laˉ,
häˊ hnähꜘ läꜙka̱a̱ˉ tuhˉhohꜘ hnähꜘ kihꜗ Dio.
2Waˊ jë̱ë̱ˉ hohꜘ hnähꜘ, jmeeˊ hnähꜘ taˊheꜗ kiyhꜗ.
Waˊ jë̱ë̱ˉ hohꜘ hnähꜘ yaˉnääꜘ hnähꜘ chaˊnëyˊ.
3Jmeeˊ hnähꜘ dsooꜘ, DSAˉJØ̱Ø̱Hˈ jnänˋ heꜘ la̱a̱ꜗ Dio.
Hi̱ˉ heꜘ baˊ gaꜙjmääꜗ jneˊ.
Ja̱ꜙ heꜘ hñaaꜗ jneˊ gaꜙjmääˊ jneˊ hñaanˈ.
La̱a̱ꜗ jneˊ dsaˉ kya̱a̱yꜗ, la̱a̱ꜗ jneˊ läꜙko̱o̱ˉ borrego kya̱a̱yꜗ.
4Yaˉnääꜘ hnähꜘ chaˊnëyˊ mahꜗ kwaˊ hnähꜘ tiˊhmaahˊ kiyhˈ.
Yaˉnääꜘ hnähꜘ jeeˊ gyayˈ mahꜗ häˊ hnähꜘ kiyhꜗ.
Hlëëhˊ hnähꜘ lluꜗ kiyhꜗ jmeeˊ hnähꜘ jʉʉhˉ kiyhꜗ kaˉlähꜘ.
5Jëëhꜘ lluꜗ dsëꜗ Dio, ji̱hˊko̱hꜘ saꜙ lla̱a̱ꜙ heˉ hnääyꜗ jneˊ.
Läꜙ maˉhnääyꜗ ja̱ˉbaˊ jneˊ läꜙjëꜙ johꜘ jmɨɨˊ chaˉ.
Currently Selected:
Salmos 100: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
