Malaquías 4

Tayta Dios juzganan junaq chämunanpaq nishqan

1 1 (3.19) Lapanta mandaq Tayta Diosmi nin: <<Walkalanami pishiykan juzganä junaq chämunanpaq. Say junaqmi bunyaypa bunyar nina rupar oqshata ushashqanno lapan chölu tukuqkunata y yaqa runakunatapis chipyaq ushakäsishaq. 2 2 (3.20) Qamkunapaqmi isanqa, mansapakamaq kayaptiki, inti jeqamuqno salvación shamunqa. Salvacionta chaskirmi imayka becërrukuna pañaqnöraq kushish tiwyakachäyanki. 3 3 (3.21) Juzganä junaq chämuptinmi yaqa runakunata vincir uchpatano jarukur ushayanki. Noqa lapanta mandaq Tayta Diosmi sayno nï>>.

Elíasta kachamunanpaq Tayta Dios nishqan

4 4 (3.22) Tayta Diosmi nin: <<Sirvimaqnï Moisésta Horeb puntacho#Éxo. 19.16—20.20; 24.1-17; Deut. 5.1-3. kamaripashqä leynïkunata imaypis ama qonqäyaysu. Say leynïkuna y mandamientükunaqa lapan Israel runakunapaqmi kaykan.

5 5 (3.23) <<Juzganä junaq japanla mansariypaqmi kanqa. Say junaq manaraq chämuptinmi profëta Elíasta qamkunaman kachamushaq.#1Rey. 17—21; 2Rey. 2.1-12; Mat. 11.14; 17.10-13; Mar. 9.11-13; Juan 1.21. 6 6 (3.24) Pay wilakuptinmi mamanpis wawankunawan y papäninpis surinkunawan amistayanqa. Surinkunapis papäninwan y mamanwan amistayanqa.#Luc. 1.17. Mana amistayaptinqa shamushqä hörami nacionninta ushakäsishaq>>.

Currently Selected:

Malaquías 4: qvhB

Highlight

Copy