Juan 5

Paralïticu runata Betesda kitacho Jesús aliyäsishqan

1Saypitanami Israel runakunapa juk fiestan Jerusaléncho kaptin Jesúspis sayman aywarqan. 2Jerusalén yaykunachömi Uysha Punku niyashqancho jatunkaray kita#5.2a Wakin runakunaqa estanqui niyan. kaykan. Hebreo idiömacho say kitapa jutinmi kaykan Betesda#5.2b Wakin traduccionkunachöqa Betzata niyanmi.. Nawpankunapami pisqa alarkuna kaykäyan. 3Say alarkunachömi jitaraykäyarqan qeshyaykaq aska runakuna, qaprakuna, weqrukuna y paralïticu runakunapis. [Paykunami shuyaraykäyarqan yaku kuyuqta. 4Saychömi jana pasapita ángel unaylata unaylata urämur yakuta kuyusiq. Yakuta kuyurkasiptinnami mayqan qeshyaqpis yakuman puntata yaykuq kaqqa aliyashna yarqamuq.]

5Saychömi juk runa kimsa chunka puwaq (38) watana qeshyar jitaraykarqan. 6Say runa unaypitana qeshyashqanta musyarmi Jesús tapurqan: <<¿Aliyayta munankiku?>>

7Niptinmi nirqan: <<Aw taytay, aliyaytami munä. Manami pïnïpis kansu yakuta ángel kuyusiptin kitaman yaykasimänanpaq. Yaykunäpaq kaykaptïpis jukmi yaliman>>.

8Sayno niptinmi Jesús nirqan: <<¡Sharkuy! Kirmaykita apakurkur aywakuy>>.

9Saymi jinan höra aliyaskir kirmanta apakurkur kushish aywakurqan. Say junaqqa jamay junaqmi karqan. 10Say aliyash runata rikarmi Israel autoridäkuna niyarqan: <<Jamay junaq kaykaptinqa ¿imanirtaq kirmayki aparish puriykanki?>>#Neh. 13.19; Jer. 17.21.

11Saymi say runa nirqan: <<Aliyäsimaqnï runami nimash kirmäta apakurkur aywakunäpaq>>.

12Saymi tapuyarqan: <<¿Pitaq sayno nishushkanki?>>

13Tapuyaptinpis kita kaqpita Jesús aywakushna kaptinmi rikasinanpaq tarirqannasu.

14Saypitanami templupa patiuncho say aliyäsishqan runawan tinkur Jesús nirqan: <<Aliyashna kaykarqa amana jusalikuynasu. Yapay jusalikuptikiqa peormi imapis päsashunki>>.

15Saypitanami say runaqa Israel autoridäkunaman aywaykur Jesús aliyäsishqanta wilarqan.

Diospa Surin kashqanta Jesús nishqan

16Jamay junaqcho aliyäsishqanpitami Israel autoridäkuna Jesúspa contran sharkur [wanusiyänanpaq] ashiyarqan. 17Saypitanami paykunawan tinkur Jesús nirqan: <<Jamay junaq kaptinpis Taytä arunmi. Saynölami noqapis aruykä>>.

18Sayno niptinmi Israel autoridäkuna Jesústa wanusiyta munayarqan. Manami jamay junaqcho runata aliyäsishlanpitasu wanusiyta munayarqan, saypa trukanqa <<Diosmi Taytä>> niptin Dios tukuykashqanta yarparmi.#Juan 10.30-38.

19Saymi Jesús nirqan: <<Rasunpami nï: Tayta Diospa Surin kashpämi Taytä lapan rurashqanta noqapis ruraykä. Manami kikïpa yarpayläpitasu imatapis rurä, sinöqa Taytä rurashqanta rikashlätami rurä. 20Taytä kuyamashpanmi lapan rurashqankunatapis rikasiman. Mas wakinkunata ruranäpaqpis tantiyasimanqami. Sayta rikar masraqmi espantakuyankipaq. 21Sayno espantakuyanki wanushkunata Taytä kawayta qoshqanno noqapis munashqä kaqkunata kawayta qoptïmi.

22<<Saynöpis manami Taytäsu pitapis juzganqa, saypa trukanqa noqatami Surin kaptï pïmaytapis juzganäpaq churamash. 23Sayno churamash kikinta adorayashqannöla noqatapis lapan runakuna adorayämänanpaqmi. Saymi noqata mana adoramaq kaqqa Taytätapis adoraykansu.

24<<Rasunpami nï: Wilakushqäta wiyar kachamaqnï Taytäman yärakuqkunaqa mana ushakaq kawaytami tariyash. Paykunaqa manami infiernuman qaykushsu kayanqa, saypa trukanqa wanushno kayashqanpita mushuq kawaytanami tariyash.

25<<Rasunpami nï: Tiempu chämushnami wanushno kaqkuna Diospa Surin wilakushqanta wiyayänanpaq. Wilakushqanta chaskikuqkunaqa mana ushakaq kawaytami tariyanqa. 26Sayno kananpaqmi munayninta Tayta Dios Surinta qosh. Saymi runakunata kawayta qonanpaq Tayta Dios munayyuq kashqanno Surinpis munayyuq kaykan. 27Saynölami Runapa Surin kaptin runakunata juzgananpaqpis Tayta Dios munayninta qosh.

28<< <¿Imanöraq say kanqa?> nir ama yarpachakuyaysu. Tiempu chämunqami lapan wanushkuna Diospa Surinpa vozninta wiyayänanpaq. 29Alita ruraqkunaqa kawarirkamurmi imayyaqpis kawayanqa. Mana alita ruraqkunami isanqa kawarimurpis infiernuman qaykush kayanqa.#Dan. 12.2. 30Manami kikïpa munayläpitasu juzgashaq, saypa trukanqa kachamaqnï [Taytä] munashqannölami juzgashaq.

Tayta Dios kachamushqanta Jesús tantiyasishqan

31<<Tayta Dios kachamashqanta kikïpa cuentaläpita niptïqa manami criyiyämankimansu. 32Manami noqalasu musyaykäsï, sinöqa kikin Tayta Diospis noqapita musyasiyäshunkimi. Pay musyasiyäshushqaykiqa lapanpis rasun kaqlami kaykan.

33<<Bautizaq Juanman tapukuq kachayaptiki paypis noqapita rasun kaqtami wilayäshurqayki.#Juan 1.19-27; 3.27-30. 34Manami runa wilamaptinraqsu Tayta Dios kachamashqanta musyä, sinöqa Taytä musyasimaptinmi. Saymi noqapita Juan wilakushqanta yarpaykäsï Tayta Dios kachamashqanta criyiyashpayki salvakuyänaykipaq. 35Juanqa sindiraykaq mechërunömi karqan. Wilakushqanta wiyarmi juk rätula kushikuyarqayki.

36<<Tayta Dios kachamashqantaqa manami Juan wilakushqanta wiyalarsu runakuna tantiyaykäyan, saypa trukanqa milagru rurashqäkunata rikar y yachasishqäkunata wiyarmi tantiyaykäyan. Taytä nimashlantami lapantapis ruraykä. 37Saynöpami kikin Tayta Dios mana parlapäyäshushpaykipis y mana yuripäyäshushpaykipis noqata kachamashqanta musyaykäsiyäshunki. 38Sayno musyaykäsishuptikipis noqata mana chaskikamarqa Tayta Diospa palabrantapis manami chaskikuykäyankisu.

Runakuna mana chaskikuyashqanpita Jesús parlashqan

39<<Qamkunaqa mana ushakaq kawayta tariyänaykipaq kashqanta yarparmi Tayta Diospa palabranta liyir yachakuykäyanki. Sayno yachakurpis manami tantiyayankisu say qelqarashqankuna noqapita parlaykashqanta.#5.39 O Tayta Diospa palabrancho mana ushakaq kawayta tariyänaykipaq kashqanta yarpaykarqa paypa palabranta yachakuyay. Paypa palabranqa noqapitami qelqaraykan. 40Sayno parlaykaptinpis manami chaskikayämankisu. Chaskikamarmi isanqa mana ushakaq kawayta tariyankiman.

41<<Noqa manami qamkuna alabayämänaykita munäsu. 42Musyämi Tayta Diosta rasunpaypaqa mana kuyayashqaykita. 43Taytäpa jutincho shamush kaptïpis chaskikamayta manami munayankisu. Kikinpa cuentalanpita shamuq runakunatami isanqa chaskikuykäyanki. 44Qamkunaqa runa mayilaykiwan ali kawayänalaykipaqmi yarpachakuyanki. Manami Tayta Dioswan ali kawayänaykipaqqa yarpachakuykäyankisu. Sayno kaykarqa ¿imanöpataq criyiyämankiman?

45<<Ama yarpäyaysu Tayta Diospa nawpancho shimpinäpaq kashqanta. Moisésman yärakuyaptiki paymi shimpiyäshunki. 46Moisés qelqashqankuna noqapitami qelqaraykan. Saymi pay qelqashqankunata criyirqa noqa nishqäkunatapis criyiyankiman. 47Pay qelqashqankunata mana criyirmi noqa nishqäkunatapis criyiyankisu>>.

Currently Selected:

Juan 5: qvhB

Highlight

Copy