Hechos 7

Autoridäkunapa nawpancho Esteban parlashqan

1Saypita mas mandaq cürami Estebanta tapurqan: <<¿Rasunpaku kay runakuna niyashqanno parlashkanki?>> nir.

2Saymi Esteban nirqan: <<Wawqikuna y taytakuna, wiyayämay. Unay ayllunsi Abraham manaraq Haránman aywakur Mesopotamialachöraq taykaptinshi munayyuq Tayta Dios yuripänaq. 3Saycho yuriparkurshi ninaq: <Markaykita y aylluykikunata kachaykur rikasinäpaq kaq partiman aywakuy>.#Gén. 12.1.

4<<Sayno niptinshi caldeo runakuna täyashqanpita aywakur Harán markachöna Abraham tänaq.#Gén. 11.31. Taytan wanuykuptinnashi Tayta Dios pushamunaq kanan taykashqansimanna.#Gén. 12.4. 5Kaycho taykaptinpis manashi juk pedäzu chakralatapis rikasinaqsu. Mana rikasirpis surin manaraq kaptinshi Tayta Dios promitinaq taykashqan nacionta payta y paypita miraqkunata qoykunanpaq.#Gén. 12.7; 13.15; 15.18; 17.8. 6Saynöpis payta ninaq: <Qampita miraqkunami chusku pachak (400) wata juk markacho jäpa runakunapa ashmaynin kar nakayanqa. 7Sayno kaptinpis say marka runakunatami castigashaq. Ashmay kaykäyashqanpita yarqamurnami kay nacioncho sirviyämanqa> >>.#Gén. 15.13-14.

8<<Sayno promitishqanta mana qonqananpaqshi Abrahamwan Tayta Dios pactuta rurar ninaq cuerpunta señalakunanpaq y olqu surinkuna yuriptin paykunapa cuerpuntapis señalananpaq.#Gén. 17.10-14. Sayshi surin Isaac yuriykuptin cuerpunta señalanaq puwaq junaqyuq kaykaptin.#Gén. 21.2-4. Saynölashi Isaacpis surin Jacobta señalanaq y Jacobpis chunka ishkay surinkunata señalanaq. Say chunka ishkay surinkunapitami lapan Israel runakuna mirayash.

9<<Jacobpa surinkunanashi wawqin Joséta chikir#Gén. 37.11. Egiptuman rantikuskiyänaq.#Gén. 37.28. Sayno kaptinpis Tayta Diosshi Joséwan kar#Gén. 39.2, 21. 10imayka desgraciapitapis salvanaq. Tantiyakuq kananpaq yanapaptinshi Egipto nacionpa mandaqnin Faraón payta churanaq palaciuncho aruqkunata mandananpaq y Egipto naciontapis mandäsinanpaq.#Gén. 41.39-41.

11<<Say wisanshi Egiptucho y Canaánchöpis fiyupa usya kaptin unay ayllunsikuna mikuyänanpaqpis kanaqsu.#Gén. 42.1-2. 12Sayshi Egiptucho trïgu kashqanta musyar Jacobqa surinkunata trïguta rantiyämunanpaq kachanaq. 13Saypita trïgu rantiq yapay kutiyaptinnashi paykunapa wawqin kashqanta José wilanaq.#Gén. 45.1. Nirkurnashi Josépa wawqinkunata Faraónpis reqinaq.#Gén. 45.16. 14Saypitanashi ayllunkunatawan taytan Jacobta Egiptuman José qayasinaq.#Gén. 45.9-10, 17-18. Egiptuman chaqkuna qanchis chunka pisqa (75) runakunashi kayänaq.#Gén. 46.27. 15Saynöpashi surinkunawan Egiptuman Jacob aywayänaq.#Gén. 46.1-7. Saycho taykarshi paypis y surinkunapis wanukuyänaq.#Gén. 49.33.

16<<Jacobpa y Josépa ayantanashi sakirkasir Siquem markaman apayänaq.#Gén. 50.1-8; Éxo. 13.19; Jos. 24.32. Saychöshi Abraham rantishqan machayman pampayänaq. Say machaytashi rantinaq Hamor jutiyuq runapa surinkunapita.#Gén. 23.3-10; 33.19; 50.12-13; Jos. 24.32.

17<<Abrahamta promitishqanta Tayta Dios cumplinanpaq tiempu chämuptinnashi Israel runakuna Egiptucho saysikaman mirayänaq. 18Say wisanshi juk runana yaykunaq Egiptucho rey kananpaq. Pay manashi musyanaqsu José pï kashqantapis.#Éxo. 1.7-8. 19Sayshi unay ayllunsikunata Faraón fiyupa nakasir seqaypa arusinaq.#Éxo. 1.10-11. Ayllunsikuna mirananta mana munarshi olqu yuriq kaqtaqa yuriylanta kachaskiyänanpaq ninaq.#Éxo. 1.22.

20<<Say wisanshi Moiséspis yurinaq. Payqa kuyaylapaqshi kanaq. Taytan mamanshi kimsa killayuq kashqanyaq wayilancho pakaylapa ashmayänaq.#Éxo. 2.2. 21Nirkurshi Faraón mandashqanta cäsukur wamra wanukunanpaq kachariykuyänaq. Saytanashi Faraónpa warmi surin shuntakur kikinpa wawantano ashmakunaq.#Éxo. 2.3-10. 22Saychöshi Egipto runakuna estudiayashqanta Moiséspis yachakunaq. Shumaq yarpayyuq karshi imatapis ali ruranaq y ali parlanaq.

23<<Chusku chunka (40) watayuq kaykarnashi Israel mayinkunaman watukaq aywayta yarpänaq. 24Sayno aywarshi juk Israel runata Egipto runa maqaykaqta tarinaq. Sayshi Israel runapa favornin sharkur say Egipto runata wanurasinaq. 25Moisésshi yarpänaq: <Israel mayïkuna tantiyakuyanqami nakaykäyashqanpita jorqunäpaq Tayta Dios kachamashqanta> nir. Sayno yarpaptinpis Israel mayinkuna manashi tantiyakuyänaqsu.

26<<Egipto runata wanusishqan waraynin junaqshi Moisés tarinaq ishkay Israel runakuna pelyaykäyaqta. Sayshi paykunata washashpan ninaq: <Qamkuna say ayllula kaykarqa ¿imanirtaq pelyaykäyanki?> 27Sayshi maqaq kaq runaqa Moisésta tanqarir ninaq: <Qamta ¿pitaq churashushkanki noqakunapa mandamaqnï y jueznï kanaykipaq? 28¿Egipto runata qanyan wanusishqaykinöku noqatapis wanusimayta munaykanki?> 29Sayno niptinshi Madián partiman Moisés qeshpiskir#Éxo. 2.11-15. qorpanöla saycho tänaq. Saychöshi ishkay olqu surinkuna yuriyänaq.#Éxo. 18.2-4.

30<<Madiáncho chusku chunka (40) wata taykarnashi aywanaq Sinaí jirka cercanman. Say sunyaq jirkachöshi shiraka rupaykaqcho juk ángel yuripänaq. 31Sayta rikaykurshi fiyupa espantakunaq. Sayshi shumaq rikananpaq yaykuykaptin Tayta Dios ninaq: 32<Unay aylluykikuna Abrahampa, Isaacpa y Jacobpa Diosninmi kaykä>. Sayta wiyarshi Moisés suksukyashpan rikäriytapis mansarinaq. 33Sayshi Tayta Dios ninaq: <Kay ichirashqayki pasa sagrädumi kaykan. Sayno kaykaptinqa lanqikita jorquy. 34Noqa rikaykämi kuyashqä runakuna Egiptucho nakaykäyashqanta. Saycho waqaykäyashqantami wiyaykä. Saymi paykunata jorqamunäpaq shamushkä. Saymi Egiptuman qamta kanan kachashayki>.#Éxo. 3.1-10.

35<<Sayshi rupaykaq shirakacho ángel parlapaskiptin Moisésta Tayta Dios Egiptuman kachanaq. Israel mayinkuna <¿pitaq churashushkanki mandamaqnï y jueznï kanaykipaq?> nikäyaptinshi Egiptupita jorqamunanpaq y mandaqninpis kananpaqshi sayno kachanaq. 36Sayshi Israel runakunata jorqamur Egiptuchöpis,#Éxo. 7.3. Puka Lamarchöpis#Éxo. 14.21. y sunyaq jirkachöpis#Núm. 14.33. chusku chunka (40) wata milagrukunata y señalkunata Moisés ruranaq.

37<<Moisésshi Israel mayinkunata ninaq: <Tayta Diosmi qamkunapita juk runata churanqa noqano profëta kananpaq. [Payta cäsukuyanki]>.#Deut. 18.15, 18. 38Unay ayllunsikunawan sunyaq jirkacho Sinaí jirkaman Moisés wisaptinshi juk ángel parlapänaq.#Éxo. 19.1—20.17; Deut. 5.1-33. Saychöshi ali kawanansipaq yäsikuykunata ángel wilanaq noqansipis chaskikunansipaq.

39<<Sayno kaykaptinpis unay ayllunsikuna manashi Moisésta cäsukuyänaqsu. Paypa contran sharkurshi Egiptuman kutikuyta munayänaq. 40Sayshi Aarónta niyänaq: <Egiptupita jorqamaqninsi Moisésta ima päsashqantapis manami musyansisu. Sayno kaykaptinqa nänicho yanapämänansipaq dioskunata ruraykulay>.#Éxo. 32.1. 41Sayno nirshi becërru niraq ïduluta rurayänaq. Say rurayashqanta adorar sacrificiuta rupasirshi fiestata kushish rurayänaq.#Éxo. 32.2-6.

42<<Sayno rurayaptinshi qoyllarkunata, intita y killata adorayänanpaq Tayta Dios paykunata kachariykunaq. Profëtakuna qelqayashqanchöpis kaynömi nikan:

<< <Israel runakuna, chusku chunka (40) wata sunyaq jirkapa purir manami noqapaqsu uywakunata y saki mikuykunata rupasiyarqayki.

43Saypa trukanqa Moloc diosnikipaq rurayashqayki toldunta purisiyarqayki.

Refán diospa qoyllarnin niraqtami adorayarqayki.

Saykunataqa kikikikunami rurayarqayki diosnikikuna kayänanpaq.

Sayno rurayashqaykipitami Babiloniapita mas karuman qarquyäshayki>.#Amós 5.25-27.

44<<Sunyaq jirkachöshi unay ayllunsikuna Pactu Tolduta purisiyänaq. Rikasishqantanöla say tolduta rurananpaqshi Tayta Dios Moisésta ninaq.#Éxo. 25.9, 40. 45Say tolduntintashi kay taykashqansi nacionman paykunata Josué pushamunaq.#Jos. 3.14-17. Ayllunsikuna chaykayämuptinshi kay markakunacho taq runakunata Tayta Dios qarqunaq. Saynöpashi kay nación paykunapana rikakunaq.

<<Say tolduqa rey David kawashqan wisanyaqshi kay markansikunacho kanaq. 46Tayta Dios yanapaptinshi Davidqa templutana sharkasiyta munanaq Jacobpita miraqkuna#7.46 Jacobpita miraqkunaqa Israel runakunami kaykäyan. Tayta Diosta adorayänanpaq.#2Sam. 7.1-16; 1Crón. 17.1-14. 47Sayno kaptinpis surin Salomónraqshi say templuta sharkasinaq.#1Rey. 6.1-38; 2Crón. 3.1-17.

48<<Templuta Salomón sharkasish kaptinpis lapanpaq munayyuq Tayta Dios manami runakuna rurayashqan templuchösu tan. Profëta qelqashqanchöpis nikanmi:

49<< <Jana pasaqa trönümi.

Pasapis chakï jarukunanmi.

Sayno kaykaptinqa ¿maychöraq wayita sharkasipämankiman?

¿Maychöraq jamaykunäpaq rurasipämankiman?

50Ciëlutapis pasatapis ¿manaku kikï kamashkä?> >>#Isa. 66.1-2.

51Sayno nirkurmi Esteban nirqan: <<Qamkunaqa roqu rinrimi kaykäyanki. Shonquykikunapis señaläni#7.51 Cuerpunta señalar chiwlakunanpa puntan qaranta kusurir jorquqnömi shonqunkunata señalar jusalikuyta kachariyan. kaptinmi mana cäsukuq kaykäyanki. Unay aylluykikunanölami Espíritu Santupa contran imaypis kaykäyanki.#Isa. 63.10. 52Lapan profëtakunatapis paykuna nakasiyarqanmi. Jusaynaq runa#7.52 Say jusaynaq runaqa Jesucristumi kaykan. shamunanpaq kashqanta wilakuykäyaptinpis wanusiyarqanmi. Qamkunapis paykunanölami salvamaqninsi runata entregayashkanki wanusish kananpaq. 53Leyninkunata angilkunawan Tayta Dios qomashqapis manami cäsukuyankisu>>.

Estebanta wanusiyashqan

54Esteban sayno nishqanta wiyarmi autoridäkuna fiyupa rabyanäyashpan kirunkunatapis uchuyarqanraq. 55Estebanqa Espíritu Santupa munaynincho karmi jana pasata rikärishqancho rikarqan chipipiykaq munayyuq Tayta Diospa aluq kaq nawpancho Jesús kaykaqta. 56Sayta rikaykurmi nirqan: <<Jana pasa kicharaykämuqtami rikaykä. Saychömi Tayta Diospa aluq kaq nawpancho Runapa Surin kaykämun>>.

57Sayno niptinmi autoridäkuna qaparäyashpan rinrinkunatapis sapakurkur jinan höra shinshiyparaq Estebanta saripakuyarqan. 58Nirkurmi markapita jorquykur samqayarqan. Sayno samqayänanpaqmi capötinkunata jorquskir Saulo jutiyuq maqtata paytakuyarqan.

59Samqaykäyaptinmi Esteban manakur nirqan: <<Tayta Jesús, ¡makikimanmi almäta churaykamü!>>#Sal. 31.5; Luc. 23.46.

60Nirkurnami qonqurpakuykur sinchipa nirqan: <<¡Kay samqaykämaq runakunata perdonaykulay, Taytay!>>

Sayno niskirmi päsarpurqan.#Luc. 23.34.

Currently Selected:

Hechos 7: qvhB

Highlight

Copy