2 Juan 1
1
Carta qalaykunan
1Tayta Dios akrashqan warmi y wawankuna:#1.1 Tayta Dios akrashqan warmi nirqa juk markacho iglesiapaqmi nikan. Wawankuna nirqa say iglesiacho shuntakaq wawqi panikunapaqmi nikan.
Mayor wawqi karmi kay cartata apaykäsimü. Qamkunata lapan shonqüwanmi kuyä. Manami noqalasu kuyä, saypa trukanqa Tayta Diospa wilakuyninta wakin chaskikuqkunapis kuyayäshunkimi. 2Qamkunata kuyayä Tayta Diospa wilakuyninta noqakunano chaskikush kayaptikimi. Paypa wilakuynintaqa manami imaypis qonqäshunsu. 3Tayta Dios y Surin Jesucristo kuyapäyäshushpayki ali kawayänaykipaq yanapaykuyäläshunki. Saynöpis ali wilakuynin nishqanno kawar kuyanakuyänaykipaq yanapaykuyäläshunki.
Kuyanakur kawanansipaq nishqan
4Wakin wamraykikuna Tayta Diospa mandamientun nishqanno kawaykäyashqanta rikarmi fiyupa kushikushkä.#1Juan 3.23; 3Juan 3. 5Saymi kanan qamta ruwakü jukniki juknikipis kuyanakuyänaykipaq. Kay mandamientu manami mushuqsu kaykan, sinöqa nawpapitanami musyashkansi.#Juan 13.34; 15.12, 17. 6Rasunpaypa kuyakuq karqa Tayta Diospa mandamientunkunata cäsukushun. Paypa mandamientunqa kuyanakunansipaqmi nimansi. Kuyanakunansipaq kashqanta nawpapita pasanami musyashkansi.#Juan 14.15, 23-24; 1Juan 5.3.
Lutan yachasikuqkuna puriykäyashqan
7Kay pasacho askaqmi lutan yachasikuqkuna puriykäyan. Paykuna niyan: <<Jesucristuqa manami rasunpaypa runasu>>. Runakunata sayno criyisirmi anticristo kaykäyan.#1Juan 2.18; 4.1-3. 8Cuidä say runakuna qamkunatapis criyisiyäshunkiman. Criyisiyäshuptikiqa Jesucristupa wilakuyninta chaskikuyashqaykipis manakaqpaqmi kanqa. Paykunata mana chaskiparmi isanqa gloriacho premiuta chaskiyanki.
9Pipis Jesucristupa wilakuyninta kacharir lutan yachasikuyta chaskikurqa manami rasunpaypasu Tayta Diosta chaskikush. Jesucristupa wilakuyninta mana kachariqkunami isanqa Jesucristuta y Tayta Diostapis rasunpaypa chaskikuyash.#1Juan 2.22-23.
10Sayno kaykaptinqa lutan yachasikuqkuna chäyämuptin ama chaskipäyaysu ni wayikimanpis posädasiyaysu. 11Lutan yachasikuqkunata chaskipaq kaqqa paykunanömi lutanta ruraykäyan.
Carta ushanan
12Yäsinäpaq maspis kaykanraqmi. Isanqa cartalacho manami qelqamushaqsu. Kikï shamurnami mastaqa yäsishayki.#3Juan 13-14. Saychömi shumaq kushikushun.
13Tayta Dios akrashqan nanaykipa wawankunapis#1.13 Tayta Dios akrashqan nanayki nirqa juk markacho iglesiapaqmi nikan. Wawankuna nirqa say iglesiacho shuntakaq wawqi panikunapaqmi nikan. salüdunkunata apasikayämunmi. [Amén.]
Currently Selected:
2 Juan 1: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.