1 Pedro 5
5
Mayor wawqikunapaq yäsishqan
1 Mayor wawqikuna, noqapis qamkunano mayor wawqimi kaykä. Saynöpis Jesucristo nakashqankunata kikïmi rikashkä. Jesucristo kutimur lapansitami shuntamäshun. Saymi qamkunata kayno yäsï: 2Tayta Diosman yärakuqkunata rikayänaykipaq churash kaykarqa uysha misiqkuna uyshankunata rikayashqanno shumaq rikayay. Mana niraykälar rikayänaykipa trukanqa lapan voluntänikiwan rikayay.#Juan 21.15-17. Ama qellay raykula rikayankisu, sinöqa Tayta Dios munashqanno ashak ashakla rikayanki.
3Yaqa patronnöqa wawqi panikunata mana aliqa ama rikayankisu. Saypa trukanqa rikakur yachakuyänanpaq ali kawayanki. 4Sayno kawarmi pastorkunapa pastornin Jesucristo#Heb. 13.20. kutimuptin imayyaqpis mana ushakaq corönata chaskiyankipaq.
Tayta Diospa makincho imano kawanansipaqpis yäsishqan
5Mözukuna y jipashkuna, mayor wawqikunata cäsukuyay. Lapaykipis mana yachaq tukuylapa respitanakuyay. Yachaq tukuqkunataqa Tayta Dios manami yanapansu. Humildi kaqkunatami isanqa kuyapar yanapan.#Prov. 3.34; Stg. 4.6. 6Sayno kaykaptinqa munayyuq Tayta Diosta cäsukur mana yachaq tukuypa kawayay. Paymi tiempun chämuptin respitash kayänaykipaq churayäshunki.#Mat. 23.12; Luc. 14.11; 18.14; Stg. 4.10. 7Tayta Dios yanapaykäyäshuptikiqa lapan lakikuynikikunatapis paypa makinman kachaykuyay.#Sal. 55.22; Mat. 6.25-34.
8Shumaq tantiyakuyashpayki alcäbula kawayay. Chikimaqninsi diablu imayka malaqash leonnömi pitapis jusalikasinanpaq qaparar puriykan. 9Yärakuq mayinsikuna maysaychöpis qamkunano nakaykäyashqanta musyaykarqa Tayta Diosman yärakur diabluta ichipäyay.
10Noqansi rayku Jesucristo wanush kaptinmi kuyapäkuq Tayta Dios qayamashkansi gloriacho imayyaqpis kawanansipaq. Saymi kay pasacho nakashqapis Tayta Dios yanapämäshun mana jusalikunansipaq, pay munashqanno kawanansipaq y payman shumaq yärakunansipaqpis. 11¡Tayta Dios lapanpaq munayyuq kashqanpita imaypis alabash kaykuläsun! Amén.
Carta ushanan
12Wawqinsi Silvanumi#Hech. 15.22, 40. kay cartata qelqäsimash. Tayta Dios munashqannömi imaypis pay kawaykan. Kay cartata qamkunapaq qelqaykämü Tayta Dios kuyapaykäyäshushqaykita tantiyakuyänaykipaqmi. Mana ajayaypa imaypis payman yärakuyay.
13Babiloniacho#5.13 Say wisan Jesucristuta chaskikuqkuna Roma markatami Babilonia niyaq. Saypita masta musyanaykipaq liyinki Apoc. 14.8; 16.19; 17.5; 18.2, 10, 21. kaykaq wawqi panikunami salüdunkunata apasikayämun. Paykunatapis qamkunatapis Tayta Diosmi akrayäshushkanki. Saynömi kuyashqä wawqi Marcuspis#Hech. 12.12, 25; 13.13; 15.37-39; Col. 4.10; Film. 24. salüdunta apasikamun.
14Jukniki juknikipis wamayänakur#5.14 Wakin runakunaqa ali rikanakur niyan. qaqlaykikunacho musashpayki winchinakuyanki. Jesucristucho kaqkunapaqqa lapaykipaq ali kaway kaykuläsun. [Amén.]
Currently Selected:
1 Pedro 5: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
