Lucas 5

Tsiaya Hua'ire Yo'eye

(Mt 4.18-22; Mr 1.16-20)

1Jesús Genesaret Jaira të̱'tëpare pa'i quëaquëna, jai pa̱i qui'iyerepa Maija'quë coca asañu'u cajë dateña. 2Daijëna, Jesupi caya yohuë, peo huë̱api huahuaquëna, ñapi. I̱ti yohuë acohua'ipi yo'e nëare tsoa to̱ñu'u cajë tu̱mareña. 3Ñani ja̱ maca Jesús yohuëna aya mëji'i. I̱ aya mëisi yohuë Simón tse̱ paco'ë. Ja̱ maca capi, a'ri maña so'ona jëjo sao huahuojë̱'ë, yohuë. Huahuojëna, ja'runi ñu'i Jesús pa̱ire ye'ya huëopi. 4Ye'ya tëjini Simónre capi:

“Hua'i pa'i hue̱'ñana yohuëja̱'a sani mësaru yo'e nëapi hua'ire neñu'u.”

5Simónpi sehuopi:

“Ye'yaquë, si'a ñami te'e hua'ireje̱ neñe peoyerepa ai yo'ohuë, nema'pë. Ja̱je pa̱sicohua'ita'a më'ëpi cua̱ñeñe sëte hua'i yo'erë je̱o dëosi'i.”

6Cani je̱o dëosi maca hua'ipi airepa ti̱mërena, hua'i yo'erëpi tëi huëo. 7Ja̱ maca yequë yohuëre cajeohua'i pa'icohua'ire jë̱ñapi soihuë. Soina, dani si'ahua'i caya yohuë̱a ea tete macarepa aya ti̱mëhuë. 8Ja̱ maca Simón Pedro iyere ñani do're ja'runi Jesure capi:

“Saijë̱'ë, Ëjaë, yë'ë quë̱no maca pa'ima'ë. Yë'ë co'aye yo'oquë a'ë.”

9Coa quëquë huesëni ja̱je caquëna, i̱ ja̱'re co̱ni pa'icohua'ije̱ hua'ire nese'ere cuasajë ai quëquëhuë. 10Cui'ne, Zebedeo mamajë Jacobo cui'ne Juan, Simón cajeohua'ije̱ quëquë huesësicohua'i paë'ë. Ja̱je quëquëjëta'are Jesús capi, Simónre:

“Ca'rama'ë pa'ijë̱'ë. Më'ë yurepi pa̱ire yo'ecaiquë pa'ija̱'quë a'ë.”

11Ja̱ maca yohuë̱are të̱'tëpana sani je̱oni Jesús ja̱'re saë'ë.

Jesús Jujucaiye, Ja̱'ju Dahuë Ju̱'iquëre

(Mt 8.1-4; Mr 1.40-45)

12Jesús pa̱i daripëre pa'ina, te'i pa̱i ja̱'ju dahuë ju̱'iquëpi ti̱tani Jesure ñani i̱ tsiapi yejare pana se̱meni se̱ji'i. Ñeje caquë:

“Ejaë, më'ëpi yë'ëre jujuye yëni jujujë̱'ë. Yë'ë ju̱'i dahuë.”

13Ja̱ maca Jesús i̱ jë̱tëpi patoquë capi:

“Yë'ë jujucaiyë.”

Caquëna, ja̱re i̱ti macapi ja̱'ju dahuë peoquë de'opi. 14Ja̱ maca Jesús i̱te capi:

“Quëama'ë pa'ijë̱'ë, pa̱ire. Coa Maija'quë huë'e ñacaicohua'ise'ere sani i̱ñojë'ë. I̱ñoni më'ë co'ayere tsoa to̱quë yo'o do'ire i̱sijë̱'ë, Moisés cua̱ñequë pa'ise'ere. Ja̱je yo'oquëna, si'a hua'i më'ë ju̱'iquë pa'isiquëpi de'oquë po̱nëni yo'oye ñaja'cohua'i a'ë.”

15Ja̱je pa'iquëta'are Jesús yo'oyepi jero sa'ana jai saji'i. Ja̱je pa'ina, jai pa̱i i̱ caye asañu'u cajë daijëna, ju̱'icohua'ije̱ daë'ë, juju cua̱ñoñu'u cajë. 16Ja̱je yo'ojëna, Jesús pa̱i peo hue̱'ñana sai Maija'quëre se̱ji'i.

Quë'quë Dahuë Ju̱'iquëre Jujuye

(Mt 9.1-8; Mr 2.1-12)

17Jesupi ye'yaquëna, ja̱rote ja'rusicohua'ipi ñuë'ë. Fariseo acohua'i cui'ne cua̱ñese'e ye'yacohua'i co̱ni, Galilea yejare si'a hue̱'ña pa'icohua'ipi daisicohua'i paë'ë. Pa'ijëna, yecohua'ipi Judeapi cui'ne Jerusalénpi daisicohua'ije̱ paë'ë. Pa'ijëna, Jesupi paji'i, Maija'quë tutu ju̱'icohua'ire jujucaiye. 18Paquëna, yo'oye peoquëpi ju̱'iquëni ca̱i saihuëna o̱asiquëni cua̱ijë Jesús pa'i hue̱'ña co̱areña, ñajaquë cajë. 19Dajëta'are caca hue̱'ñapi jai pa̱i ti̱mësico pa'i do'ire cacaye pa̱jë ña jujani huë'e jeteja̱'a mëni peo coje tëteni ju̱'iquëre pa̱i jopoja̱'a meñe casahuë, Jesús ña hue̱'ña ca̱i saihuëna o̱asiquëni. 20Ja̱ maca Jesús i̱ohua'ipi i̱te jujuquë api cuasayere ñani ju̱'iquëre capi:

“Më'ë co'aye yo'ose'ere sa̱i de'huacaiyë.”

21Ja̱je caquëna, asani cua̱ñese'e ye'yacohua'i cui'ne fariseohua'i cuasa huëoreña: “Pa̱ipi yequë co'aye yo'ose'ere sa̱i de'huacaiye peoji. Ja̱re Maija'quëse'e sa̱i de'huacaiye pa'iji. ¿I̱quei'ni, iquë ja̱ jerepa Maija'quëre cue'cuequë caquë?”

22Jesupi ja̱je cuasajëna, ñani capi:

“¿Me yo'ojë ja̱je cuasaye'ni? 23Co'aye yo'ose'ere sa̱i de'huaye cui'ne iquëre jujucaiye pa̱i cato yo'o ti̱'a ma'ñe a'ë. A̲'jiñe yo'oye peoji. 24Ja̱je pa'ito de'oji. I̱ñosi'i, mësarute. Yë'ë Pa̱i Mamaquëpi te'ipi iye yeja cua̱ñequëre papi co'aye yo'ose'ere sa̱i de'huacaiquë pa'iyë.”

Ja̱je se cani ju̱'iquëre capi:

“Më'ëni cayë, huëijë̱'ë. Më u̱icore i̱ni më'ë huë'ena saijë̱'ë.”

25Caquëna, ja̱ macarepa i̱ti ju̱'iquë pa'isiquëpi ja̱ohua'i ñajëna, huëni nëcani i̱ u̱isicore se de'huani Maija'quëre sihuaquë caquë saji'i, i̱ huë'ena. 26Saina, si'ahua'i ña quëquëni Maija'quëre sihuajë careña.

“Yurena ñahuë, pa̱ije yo'o ma'ñere yo'oye.”

Jesús Levíre Soiye

(Mt 9.9-13; Mr 2.13-17)

27Iye yo'osi jeteyo'je Jesús etaquë Leví hue'equëre ñapi, pa'i do'i sa̱i hue̱'ñare ñu'i curire se̱ina, ñani capi:

“Tuijë̱'ë, yë'ëni.”

28Ja̱ maca Leví i̱ yo'oye si'aye se je̱oni Jesús ja̱'re co̱ni saji'i.

29Ja̱ jeteyo'je Leví jai fiesta nepi, i̱ huë'ena, Jesuni sihuaquë. Ja̱rote cui'ne jai pa̱i pa'i do'i se̱cohua'i cui'ne yecohua'i co̱ni a̱i saihuëna ja'rusicohua'ipi paë'ë. 30Pa'ijëna, ñani fariseohua'i cui'ne cua̱ñese'e ye'yacohua'i Jesure ye'yecohua'ipi de'oye yo'oma'cohua'i a'ë, cuasajë sa̱ñope ca huëojë careña:

“¿Me yo'ojë mësaru pa'i do'i se̱cohua'i ja̱'re cui'ne co'aye yo'ocohua'i ja̱'re co̱ni a̱ijë cui'ne u̱cuye'ni?”

31Cajëna, asani Jesupi sehuopi:

“De'oye pa'icohua'i cui'ne huajëcohua'i jujuquëre co'eye pa̱ñë. Ja̱je pa'ina, ju̱'icohua'ipi co'ecohua'i a'ë, jujuquëre. 32Ja̱ do'ire de'ocohua'ini soisi'i caquë, daisiquë peoyë. Co'acohua'ini soisi'i caquë daisiquë a'ë, ja̱ohua'ipi ja̱'rë yo'ose'e je̱oni po̱nëjajë caquë.”

Jesure Se̱ñe, A̲ima'pë Se̱ñere

(Mt 9.14-17; Mr 2.18-22)

33Caquëna, i̱ohua'ipi Jesure se̱teña:

“Juanre ye'yecohua'i yo'oye sëte a̱ima'pë Maija'quëre ai se̱jë yo'oyë, cui'ne fariseo ye'yecohua'ije̱. ¿Me yo'ojë më'ë ye'yacohua'ise'e si'anë a̱ijë cui'ne u̱cujë pa'iye'ni?”

34Cajëna, Jesupi sehuopi:

“¿Hueja a̱o a̱ija'cohua'ire soisicohua'ire a̱ima'pë pa'ijë̱'ë cacohua'i a'ni, mësaru, huejaquëpi i̱ti macare co̱ni pa'ito? 35Ja̱je pa'iquëta'are yequë mu'se huejaquëre yë'ëre sioye pa'iji. Ja̱ maca huejaquëpi peoëna, a̱o a̱ima'pë pa'ija̱'cohua'i a'ë.”

36Cui'ne quëa i̱ñopi, i̱ohua'i ñañena co̱ni ñeje:

“Yecohua'ije̱ huajë ju'i ca̱re tëani ai ju'i ca̱re sëoma'cohua'i a'ë. Ja̱je yo'ocohua'i pani coa huajë ju'i ca̱re nejoñë. Cui'ne huajë ca̱ ca̱tipëpi ai ju'i ca̱na sëosicohua'i pa'ito te'oje̱ pa'io ña cua̱ñoñe pa̱ji. 37Ja̱re cui'ne pa'iji. Cuiya'i co̱no doye peoji, ai ca̱'nihuë de'huasicona. Ja̱je ai ca̱'nihuëna huajë cuiya'i co̱no doto yete saiye pa'iji. Ja̱je yete saina, si'aye nejoñe pa'iji, cuiya'i co̱no cui'ne ca̱'nihuë de'huasi topëje̱ nejoñe pa'iji. 38Ja̱je pa'ina, huajë cuiya'i co̱no doye pa'iji, ja̱re cui'ne huajë ca̱'ni topëna. Ja̱je huajëyese'e pa'i de'oye quëcoja̱'coa. 39Ja̱je pa'ina, o'sasi co̱no u̱cucohua'ije̱ huajë co̱no u̱cuye pa̱ñë, o'sasi co̱no ai de'oye a'ë, cajë.”

Currently Selected:

Lucas 5: sey

Highlight

Copy