Gálatas 6

Chikatenkꞌa kib chi kibil kib chixnumsinquil li chꞌaꞌajquilal

1Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k. 2Chetenkꞌahak e̱rib chi ribil e̱rib chixnumsinquil li chꞌaꞌajquilal nachal saꞌ e̱be̱n. Chi joꞌcan yo̱kex chixba̱nunquil li cꞌaꞌru taklanbilex cuiꞌ xban li Jesucristo. 3Li ani naxcꞌoxla nak nim xcuanquil xjunes rib, li jun aꞌan yo̱ chixbalakꞌinquil rib xjunes. 4Li junju̱nk chixqꞌuehak retal li cꞌaꞌru naxba̱nu. Cui us li naxba̱nu, chisahokꞌ xchꞌo̱l riqꞌuin li cꞌaꞌru naxba̱nu ut incꞌaꞌ ta̱cꞌoxlak chirix li naxba̱nu li jun chic. 5Tenebanbil saꞌ xbe̱n li junju̱nk rilbal chanru lix yuꞌam. 6Li ani yo̱ chixtzolbal li ra̱tin li Dios, tento ajcuiꞌ nak tixtenkꞌa li ani yo̱ chi tzoloc re. 7Me̱balakꞌi e̱rib. Li Dios incꞌaꞌ naru xbalakꞌinquil. Li cꞌaꞌru narau li junju̱nk, aꞌan ajcuiꞌ li tixkꞌol. 8Joꞌcan ajcuiꞌ saꞌ li kayuꞌam. Li ani naxba̱nu li incꞌaꞌ us li naxrahi ru xba̱nunquil xjunes rib, li jun aꞌan ta̱sachk. Abanan li ani naxba̱nu li cꞌaꞌru naraj li Santil Musikꞌej, li jun aꞌan ta̱cua̱nk xyuꞌam chi junelic. 9Joꞌcan nak mextitzꞌ chixba̱nunquil li us. Cui incꞌaꞌ nachꞌinan kachꞌo̱l nak ta̱cuulak xkꞌehil la̱o take̱chani li kakꞌajca̱munquil. 10Joꞌcan ut chikaba̱nuhak usilal reheb chixjunileb li kas ki̱tzꞌin nak toj naru xba̱nunquil, ut kꞌaxal cuiꞌchic takaba̱nu reheb li kech aj pa̱banelil.

Laj Pablo naxqꞌue xcuanquil xcamic li Cristo chiru li cruz

11Anakcuan riqꞌuin cuukꞌ yo̱quin chi tzꞌi̱bac e̱riqꞌuin. Ilomak xni̱nkal li letra li yo̱quin chixtzꞌi̱banquil re nak te̱nau nak la̱in xintzꞌi̱ban re. 12Eb li nequeꞌraj xminbal e̱ru xcꞌulbal li circuncisión yo̱queb chixba̱nunquil aꞌan re xnimobresinquil ribeb. Yo̱queb chixba̱nunquil aꞌan xban nak incꞌaꞌ nequeꞌraj teꞌrahobtesi̱k saꞌ xcꞌabaꞌ xcamic li Jesucristo chiru li cruz. 13Ma̱ jun reheb li nequeꞌcꞌuluc re li circuncisión nequeꞌxba̱nu ta chi tzꞌakal li naxye saꞌ li najter chakꞌrab. Abanan eb aꞌan teꞌraj nak la̱ex te̱cꞌul li circuncisión ut nequeꞌxmin e̱ru chixcꞌulbal. Cui te̱ba̱nu li cꞌaꞌru nequeꞌxye, teꞌxnimobresi ribeb xban nak teꞌxcꞌoxla nak cuan xcuanquileb saꞌ e̱be̱n. 14Aꞌut la̱in ma̱ jokꞌe tinnimobresi cuib injunes. Li cꞌaꞌru ninnimobresi xcuanquil la̱in, aꞌan lix camic li Ka̱cuaꞌ Jesucristo chiru li cruz. Saꞌ xcꞌabaꞌ lix camic li Cristo, camenak chic lix naꞌleb li ruchichꞌochꞌ chicuu, ut chanchan nak camenakin la̱in chiru li ruchichꞌochꞌ. 15Usta takacꞌul li circuncisión, usta incꞌaꞌ, ma̱cꞌaꞌ chic na-oc cuiꞌ chiku xban nak reho chic li Jesucristo. Li kꞌaxal lokꞌ aꞌan li acꞌ yuꞌam li naxqꞌue ke li Dios. 16Aꞌ taxak li tuktu̱quilal ut li uxta̱na̱nc u chicua̱nk e̱riqꞌuin la̱ex li nequexpa̱ban re lix ya̱lal li yo̱quin chixyebal. La̱ex li tzꞌakal ralal xcꞌajol li Dios. 17Ut chirix chixjunil aꞌin ma̱ ani ta chic chichꞌiꞌchꞌiꞌi̱nk cue xban nak cuan retalil chicuix li rahobtesi̱c li quincꞌul saꞌ xcꞌabaꞌ li Ka̱cuaꞌ Jesús. 18Ex inherma̱n, aꞌ taxak li rusilal li Ka̱cuaꞌ Jesucristo chicua̱nk e̱riqꞌuin che̱junilex. Joꞌcan taxak.

Currently Selected:

Gálatas 6: kek

Highlight

Copy