Lucas 4:9-12
Lucas 4:9-12 KNJ
Jix lawi jun tuꞌ, catuꞌ jix iꞌle pax toj Jesús yu naj diablo bꞌey conobꞌ Jerusalén. Jix yiꞌon atoj naj bꞌey ẍumuc stemplo Dios. Jix yalon naj tet Jesús jaxca tiꞌ: —Ta yel tol Scꞌaal jaach Dios, kꞌojeytoj ja bꞌa sat txꞌotxꞌ tuꞌ. Yutol chi yal can yul An Juun Tzꞌibꞌebꞌilcan jaxca tiꞌ: Oj ẍejtej ebꞌ yángel Dios yu ja steyneni. Oj jaach ẍaꞌ ebꞌ ja wey apnoj yetoj skꞌabꞌ, yet watxꞌ man oj yasitoj ja wajan yin chꞌen, ẍi yul An Juun tuꞌ, ẍi naj diablo tuꞌ. Jix yalon pax Jesús tet naj: —Chi yal pax yul An Juun Tzꞌibꞌebꞌilcan tuꞌ jaxca tiꞌ: “Manche ja wakꞌlen ja wijbꞌan ja Dios, Kaawil,” ẍi yul An Juun tuꞌ, ẍi Jesús tet naj.
Bible App
Bible App for Kids
