Iruka 2

Haga Typy 2

Iesui Wemoherep Hap Eꞌat

Mateu 1.18–2.7 Piat Ewy

1Mekewat eꞌat pe poꞌog iwato rakat morekuat Aukutu tiꞌatupoꞌoro kahato tesuraraꞌin tomiwan koꞌi wywo torannia tawa piaria miitꞌin set pehik hamo. 2Pyno saꞌawyꞌi te taꞌatuset pehik miitꞌin morekuatno Sireneu toineꞌen yi Siria piat turan.

3Miꞌi hawyi torannia tuwat raꞌyn taꞌatuwatꞌi atuwatꞌi taꞌatuetawa piat tereset pehik hamo. 4Miꞌi pote ti Iuse toto raꞌyn yi Karireia totiat tawa Nasare pyi mekewat yi Iuteia kape. Itotiat tawa Perẽi e hap saꞌawyꞌi wuat Tawi etawa kape. Kat pote Iuse toto hewowi Tawi emiariru miariru pote. 5Toto tuwesetpehik hamo Maria wywo. Mekewat tehaytuwy wywo. Maꞌato miꞌi turan wyti Maria imepytꞌa rakatno raꞌyn toineꞌen 6Miꞌi hawyi putꞌok iꞌatuꞌe raꞌyn tawa Perẽi me turan hirokat wemoherep hap eꞌat putꞌok e raꞌyn. 7Miꞌi hawyi Maria imepyt raꞌyn yian. Miꞌi hawyi tohuwy raꞌyn hirokat hit sokpe wo hawyi toiporokpun naꞌyn hũria miꞌu eiam me katupono yt taꞌatupuẽti i taꞌatueiam taꞌatuket hamuat pote.

Atipy Piaria Teꞌeruwemoherep Uweiria Apykok Haria Pe

8Mekewat eꞌat pe tukupteꞌen hũria apykok haria iꞌatupotpap kaꞌap hũ ria apykok hap ete. 9Miꞌi tote ti atipy kaipywiat suut hat tuwemoherep taꞌyn wehũria apykok haria kape. Miꞌi ti Tupana ẽtyhot hap wywo tuwemoherep hawyi yne iꞌatuete hẽtyhot kahato. Miꞌi pote Uweiria koꞌi apykok haria teꞌerokenꞌẽ kahato hẽtyhot putꞌok e taꞌatuetiat pote. 10Miꞌi hawyi atipy kaipywiat suut hat toꞌe wehũria apykok haria pe -Yt eweikenꞌẽ teiꞌo uipupi e iꞌatuepe. Katupono wakuat sehay ahenoi teran ehepe eimowepiit kahato hamo e. Taꞌi yt ehepe yn i uhehay wakuat maꞌato wuatꞌi ywania mesuwat yi totiaria mowepiit hap ahenoi e. 11Pyno mio tuwemoherep taꞌyn morekuat Tawi etawa Perẽi me ehehakyeraꞌat hat eipotypot eikaꞌiwat e. 12Pyno ahenoi ehepe aikotã waku eweipuẽti imepyt hamuat hap. Pyno waku eweiwat tawa Perẽi kape hawyi waku eweikat hũria yat. Miꞌi tote wyti aru eweipuẽti uiꞌe hap ewy sokpe wo tosuwy pe hũria miꞌu eiam me e. 13Miꞌi turan teꞌeremoherep taꞌyn mekewat yian miat atipy kaipywiat suut hat wywo Tupana emiitꞌin typyꞌi kahato raꞌyn aikotã atipy piaria suraraꞌin sem ewy. Miꞌiria ti imotypot kahato Tupana taꞌatuwepy puo. -Waku kahato En. 14-Uruimotypot kahato En Tupana poꞌog ywaiti piat ieineꞌen hat. Katupono etum naꞌyn wakuap mesuwat yi totiaria mowepiit hap. 15Miꞌi hawyi atipy kaipywiaria teꞌeraꞌaipok i raꞌyn hawyi hũria apykok haria teꞌeroꞌe toꞌope -Toꞌiro watuwat Perẽi kape aikotã aipotypot mienoi kapiat aiꞌakasa hamo iꞌatuꞌe 16Miꞌi hawyi tuwat raꞌyn meremo hawyi taꞌatupuẽti raꞌyn Maria iꞌewyte Iuse iꞌewyte hirokat taꞌatupuẽti raꞌyn hũria miꞌu eiam me. 17Taꞌatupuẽti raꞌyn hawyi taꞌatuhenoi raꞌyn Iusueꞌin me aikotã atipy kaipywiaria henoi taꞌatuepiat koꞌi hirokat etiat. 18Miꞌi hawyi torannia miitꞌin ikuap hawyi teꞌeruwanetup kahato hũria apykok haria mienoi ete. 19Miꞌi hawyi mana Maria tereko yne tomepyt wemoherep hap etiat topyꞌa pe. Miꞌi hawyi tuwanetup kahato tuereto aikotã tomepyt wemoherep hap etiat. 20Miꞌi hawyi Uweiria apykok haria teꞌeraꞌaipok i raꞌyn taꞌatuhũria koꞌi kape. Teꞌeraꞌaipok turan teꞌeruwehum kahato raꞌyn Tupana kape -Wakuat kahato En iꞌatuꞌe katupono atipy kaipywiat suut hat mienoi ewy urutaꞌakasa raꞌyn iꞌatuꞌe Tupana pe.

Iesui Ywotꞌin Tioto Raꞌyn Tupana Motypot Yat Kape

21Miꞌi hawyi 8 eꞌat raꞌyn toineꞌen hawyi hirokat taꞌatuemurui sokpe ãpy tek hawyi taꞌatusetꞌok taꞌyn Iesui iꞌatuꞌe aikotã saꞌawyꞌi wuat atipy kaipywiat suut hat toꞌe Miria pe yt imepytꞌa i te turan hap ewy. 22Miꞌi hawyi Iusueꞌin teꞌeruwemosyꞌat kahu raꞌyn aikotã Muisei woꞌonapin hap piat ewy hawyi taꞌatuereto raꞌyn tawa Ierusarẽi kape Tupana piat hum hamo 23Kat pote toineꞌen Muisei miwan me -Waku torannia emepyt yian etum Tupana pe e hap ewy. 24Iꞌewyte taꞌatuium Tupana pe typy Myryhu wato sio typy Pykasu hit aikotã toꞌe saꞌawyꞌi wuat miwan miat hap ewy.

Simeãu Wepy Hap

25Miꞌi turan toineꞌen wẽtup ok miit Simeãu e hap het rakat. Miꞌi ti waku kahato rakat miitꞌin kyꞌe kahato hat. Tohekatup kahato ti Isareu ywania ehakyeraꞌat hat. Miꞌi turan Tupana Paꞌãu toineꞌen kahato iwywo. 26Pyno saꞌawyꞌi Tupana Paꞌãu henoi ti raꞌyn tope -Ekuꞌuro hap owakai te ti aru eraꞌakasa raꞌyn Uimipoꞌoro e. Miꞌi hap ewy taꞌakasa raꞌyn tokaꞌiwat Tupana mipoꞌoro. 27Miꞌi hawyi Tupana Paꞌãu tipoꞌoro raꞌyn Simeãu Tupana motypot yat kape. Miꞌi turan iꞌywotꞌin tioto raꞌyn Iesui Tupana motypot yat kape aikotã saꞌawyꞌi wuat woꞌonapin hap piat ewywuat nug hamo. 28Miꞌi hawyi Simeãu tat raꞌyn hirokat hit topoꞌyp tote. Miꞌi hawyi -Waku kahato En e Tupana pe. 29-Koitywy etiputꞌok taꞌyn saꞌawyꞌi wuat ereꞌe hap. Miꞌi hawyi ti koitywy waku raꞌyn uikuꞌuro eꞌe hap ewy. 30Katupono koran arehaꞌat raꞌyn uheha wo emipoꞌoro woꞌohakyeraꞌat hat. 31Mio ti emipoꞌoro toineꞌen torannia miitꞌin pyꞌasetpe raꞌyn e. 32Miꞌi ti toineꞌen wuatꞌi ywania puꞌap ewowiat moẽtyhot hanuat e. Iꞌewyte esaika hap moherep emiitꞌin Isareu ywania piat hanuat. 33Mio tã e pote hirokat hit ywot Iꞌewyte ity teꞌeruwanetup kahato Simeãu ehay taꞌatumepyt etiat hap ete. 34Miꞌi hawyi Simeãu tiꞌatupoityro raꞌyn hawyi toꞌe Maria pe -En wyti ereineꞌen woehakyeraꞌat hat ty wo raꞌyn katupono meiũwat hirokat Tupana miꞌairo sese toineꞌen. Miꞌi pote toiꞌapiheg kuap kahato miitꞌin iꞌewyte toiꞌatuhakyeraꞌat kuap kahato Isareu ywania. Miꞌi kaipyi ti watikuap taꞌyn hirokat Tupana mipoꞌoro sese toineꞌen hap. Maꞌato ti aru typyꞌi kahato miitꞌin Ihay saꞌag tuwetiat rakaria. 35Taꞌi miitꞌin iꞌatuwanetup saꞌag hap koꞌi wyti aru heremo raꞌyn topyhuꞌat. Iꞌewyte haty kahato topyhuꞌat aru epyꞌa pe aikotã kyse epyꞌa piat haty hap ewy topyhuꞌat eete e paꞌi Simeãu Iesui ty pe.

Tupana Ehay Moherep Hat Mana Ana

36Mekewat eꞌat pe toineꞌen wẽtup ok Tupana ehay moherep hat mana Ana e hap Miꞌi ti Wanueu sakiꞌyt Ase ywania iporo kahato rakat. Miꞌi ti toineꞌen 7 anu yn toꞌokyiꞌat hawyi teꞌaito wywo. Miꞌi turan heꞌaito ikuꞌuro raꞌyn. 37Miꞌi ti toineꞌen hiwu 84 anu rakat. Yt karãpe i tuwẽtem Tupana motypot yat pyi maꞌato toineꞌen wuatꞌi eꞌat pe Tupana motypot haype aat kaꞌap wãtym wo tuwemosyꞌat tuereto Tupana kapiat hẽtup hamo. 38Miꞌi hawyi Simeãu henoi Tupana piat turan putꞌok e raꞌyn Ana. Miꞌi turan tohenoi yne Ierusarẽi miaria ehakyeraꞌat hanuat hirokat hit toineꞌen hap.

39Miꞌi hawyi taꞌatunug yne raꞌyn aikotã toꞌe saꞌawyꞌi wuat woꞌonapin hap piat ewy hawyi Iusueꞌin teꞌeraꞌaipok i raꞌyn taꞌatueꞌyi Karireia piat taꞌatuetawa Nasare kape iraꞌyn. 40Miꞌi hawyi itag naꞌyn hirokat tuwemoesaika kahato raꞌyn. Iꞌewyte howopy kahato weꞌeg hap ikai. Iꞌewyte Tupana mipoityro wo kahato raꞌyn toineꞌen.

41Wuatꞌi eꞌanu pe Iusueꞌin tuwat Ierusarẽi kape mekewat Esitu po pywiat tuwenoꞌẽ hap kapiat taꞌatuwatetup hap nug hamo. 42Miꞌi hawyi kurum iwasu karãpe Iesui 12 anu raꞌyn turan toto raꞌyn iꞌatuwaꞌatunug hap kape aikotã taꞌatueko ewy. 43Miꞌi hawyi ikahuro raꞌyn Iꞌatuwepiit hap hawyi teꞌereꞌaipok iraꞌyn taꞌatuꞌyat kape maꞌato miꞌi turan Iesui topyhuꞌat raꞌyn Ierusarẽi me. Miꞌi hap iꞌywotꞌin yt tikuap hin i. 44Iꞌatuwanetup hawe tuut towyriaꞌin tok pe. Miꞌi pote iꞌywotꞌin tuwat aat muap upi. Miꞌi hawyi taꞌatukat raꞌyn iwyriaꞌin iwehik tuwyria tok pe. 45Miꞌi hawyi Maꞌato yt taꞌatupuẽti i hawyi teꞌeraꞌaipok i raꞌyn Ierusarẽi kape ikat hamo. 46Miꞌi hawyi myẽꞌym eꞌat taꞌatukat. Miꞌi hap ete taꞌatupuẽti raꞌyn Tupana motypot yat pe. Toineꞌen woꞌomuꞌe haria pyꞌasetpe tuwanetup kahato iꞌatuehay kape hawyi apo apo e iꞌatuepe. 47Miꞌi hawyi toran a ihay kuap haria teꞌeruwanetup kahato ihay kape hawyi teꞌeroꞌe -Iweꞌeg kahato apo iꞌatuꞌe. Miꞌi pote aiwesat hãpyk kahato iꞌatuꞌe. 48Miꞌi hawyi karãpe iꞌywotꞌin tipuẽti hawyi teꞌeruwanetup kahato raꞌyn hawyi ity toꞌe -Uimepyt kat poteĩ meketã etunug. Eꞌywot hawyi uito paa urutoꞌe kahato raꞌyn ekat turan e. 49Miꞌi hawyi Iesui tiwesat -Kat poteĩ uikat eipe. Yt eweikuap i apo areineꞌen uiꞌywot yat piat hap. 50Maꞌato yt taꞌatukuap hin i Iesui e hap. 51Miꞌi hawyi Iesui taꞌaipok i raꞌyn toꞌywotꞌin wywo tawa Nasare kape toꞌywotꞌin mikyꞌesat ewy nug hamo. Maꞌato ity pya pe toineꞌen kahato raꞌyn Iesui e tepiat hap.

52Miꞌi hawyi Iesui itag naꞌyn hawyi iweꞌeg kahato raꞌyn hawyi Tupana mikyꞌe kahato wo iꞌewyte miitꞌin mikyꞌe wo toineꞌen poꞌog poꞌog hap ewy.

Currently Selected:

Iruka 2: mav

Highlight

Copy