Marcos 1:4-8
Marcos 1:4-8 LÑLE13
Qaq nachesoua se'esoua na'axa'te, da so Juan maye nachelaxanataxanaq netauga so toolec 'alhua. Qaq naua alogo somaye qalaq lo'oc ana shiguiỹac le'enaxat nauanaxanaxa, qataq nataqa'en lo'oc so nsaataxaqui. Qataq chectac ana shiiquioxoi qataq na dapic maye aviaq le'ec. Nache so Juan 'eetega na shiỹaxauapi, 'eeta': «¡Iuen da qami' qanachelaxa'n qataq qauachaxañiita da mashe sa qauaỹamaxayiñi da qoquiito'ot da qauo'ocheetac na qauem! Qaq da nache qoñiitec de'era, nache Ñim Lo'onatac 'Enauacna ishet da qami' ichoxore'n.» Nataqa'en 'eeta': «Huo'o na nca'attalec aỹem namaye ỹataqta ỹactec da la'añaxac saq shena'am. ¡Na'aictoxo' da choche aỹem l-latac ỹataqta sa ñaloua'a! Aỹem qami' ñachelaxanguilo na 'etaxat, qaq namaye qalaq qami' nachelaxanguilo So Saqcha'a Na'añaxac Qui'itta.» Qaq 'enauac som hueta'a ye 'alhua Judea qataq ye nỹecpi ye Jerusalén, tauga se'eso toolec 'alhua da yaqto' na'axaỹaxana so Juan. Qalota so ỹa'axa't naua lasouaxashe'ete, qaq so Juan nachelaxan huangui naqa'en so tala Jordán.
Bible App
Bible App for Kids
