Efesios 1:18-21 Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui | La'aqtaqa Ñim Lo'onatac 'Enauacna 2013 (LÑLE13)

Efesios 1:18-21 LÑLE13

Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui maye huo'omshe qami' iỹaxanalo Ñimaye. Qataq yaqto' qauaỹaañi dam ỹataqta lta'araic la'añaxac maye qomi' itauaategueque. De'era na'añaxac qaica ca loga't, dam do'onataxana co'olloxocheye Ñim Lo'onatac 'Enauacna, co'ollaq nca'aleeguesop naqa'en da nleuaxa So Cristo. Nache taigue naqa'en da piguem, da yaqto' nso'onegue da aloic Ñimaye, da yaqto' nataỹaña naqa'en 'enauac nam 'añaxaicpi, damaxasoxonapecpi, nta'alpi, nataxala'pi maye hueto'ot na piguem, qataq 'enauac nam ishet da huo'o ca qaỹamata'ac le'enaxat, nagui nam souaqtaiguilo na'axa'te, huo'otaq cam ñaq natauo.

Read Efesios 1

Listen to Efesios 1