Tito 2

Ri utzilaj tijonic ri nic'atzin chi niquetamaj ri kach'alal

1Yac'a riyit Tito, can tac'utu' ri utzilaj tak ch'abel#2.1 1 Ti. 1.10; 6.3. chiquiwech ri kach'alal. 2Ri rijita'k tak achi'a' can tiquich'obo' jabel ri yequiben, nic'atzin chi niquic'uaj jun utzilaj c'aslen chiquiwech ri winek, y can tiquik'ila' qui' chare ri mac, can choj quec'oje' chupan ri quicukbel c'u'x, can tic'oje' ri ajowabel#2.2 2 Ti. 3.10. quiq'ui, y can quecoch'on. 3Queri' chuka' ri rijita'k tak ixoki', yek'alajin ta chi can quic'uan jun utzilaj c'aslen chuwech ri Dios, man ta yek'aban tzij chiquij winek, man ta yek'aber, y niquic'ut ta jun ch'ajch'ojlaj c'aslen#2.3 1 Ti. 2.9, 10; 1 P. 3.1-6. chiquiwech ri winek. 4Y chuka' tiquic'utu' chiquiwech ri ixoki' ri c'a ye k'opoji' na chi quecajo' ri cachijlal y quecajo' ri cal,#2.4 1 Ti. 5.14. 5chi can tiquik'ila' qui' chare ri mac, tiquic'uaj jun c'aslen ch'ajch'oj, can tiquibana' cuenta rupan ri cachoch, utz quina'oj tiquibana' quiq'ui quinojel, y quequinimaj ri cachijlal,#2.5 Col. 3.18. riche (rixin) chi man ta niyok'otej ri ruch'abel ri Dios.

6Que'apixabaj chuka' ri ye c'ajola',#2.6 1 Jn. 2.13, 14. chi can tiquik'ila' qui' chare ri mac. 7Y riyit Tito, rajawaxic chuka' chi can tac'uaj jun utzilaj c'aslen riq'ui ronojel ri ye'abanala', riche (rixin) chi queri' yatoc c'ambel na'oj chiquiwech. Can que'abanala' c'a utzil, y tek ye'atijoj chare ri ruch'abel ri Dios, can pa ruchojmil tabana' chare. Y tik'alajin chi can c'o rejkalen ri nabij. 8Can tana' na c'a awi' riq'ui ri nabij tek ye'atijoj,#2.8 1 Ti. 6.3. y ronojel ri nabij can pa ruchojmil tabana' chare, riche (rixin) chi majun itzel nibix ta chrij. Y ri ye'etzelan riche (rixin) ri ruch'abel ri Dios xa xqueq'uixbitej, ruma majun itzel niquil ta ri xtiquibij chiwij riyix kach'alal.

9Y ri kach'alal ri ye oconek mozo, que'apixabaj chi tiquinimaj quitzij ri quipatrón.#2.9 Ef. 6.5; 1 Ti. 6.1, 2. Y jabel tiquibana' chare ronojel ri samaj ri nibix chique. Y ma tiquitzolij ta ruwech ri quitzij ri quipatrón. 10Ni majun tiquilek'aj el riq'ui ri quipatrón, xa can tiquitija' quik'ij chi ye'oc utzilaj tak mozos riche (rixin) chi queri' ri quipatrón can xtucukuba' ruc'u'x quiq'ui. Queri' tiquibana' riche (rixin) chi queri' ri winek can xtiquiya' c'a ruk'ij#2.10 1 Ti. 6.1. ri ruch'abel ri Dios ri Kacolonel.

11Ruma ri rutzil ri Dios xok'alajin wawe' chuwech re ruwach'ulef#2.11 Jn. 1.9. riche (rixin) chi yojcolotej konojel riyoj ri yoj winek. 12Y ri' nuc'ut chuka' chkawech chi tikaya' ca rubanic ronojel ri ma nika ta chuwech ri Dios y ronojel ri itzel tak raynic riche (rixin) re ruwach'ulef. Re c'a yojc'o na re wawe' chuwech re ruwach'ulef, ma tikaya' ta k'ij chare ri mac, xa tikac'uaj jun c'aslen choj;#2.12 Lc. 1.75. jun c'aslen ri nika chuwech ri Dios. 13Ruma can koyoben ri utzil#2.13 Col. 1.5, 23; 3.4. ri rutzujun (rusujun) ca ri Dios chi nuya' chake chupan ri k'ij tek xtipe chic jun bey ri nimalaj ka-Dios y Kacolonel Jesucristo, ri can petenak riq'ui nimalaj ruk'ij ruc'ojlen. 14Riya' can ma xupokonaj ta xuya' ri' pa camic kuma riyoj, riche (rixin) chi xojrucol chuwech ronojel ruwech mac y riche (rixin) chuka' chi xuch'ajch'ojsaj ri kac'aslen.#2.14 Mal. 3.3; Mt. 3.12; Hch. 15.9; He. 9.14; Stg. 4.8. Queri' xuben chake riche (rixin) chi xoj-oc jun tinamit riche (rixin) Riya',#2.14 Dt. 7.6; 14.2. jun tinamit ri can riq'ui ronojel kánima nikarayij nikaben ri utz.

15Ya c'a ronojel re' ri c'o chi nabij chique; que'apixabaj chi ma tiquiya' ta ca ri utzilaj c'aslen y que'apixabaj chi tiquiya' ca ri itzel c'aslen. Man c'a taxibij ta awi' nabij pa ruchojmil chique riche (rixin) chi queri' majun xtetzelan ta ri nabij.#2.15 1 Ti. 4.12.

Currently Selected:

Tito 2: cakWS

Highlight

Copy