Hebreos 5
5
1Quinojel ri ye'oc nimalaj tak sacerdotes chiquicojol ri israelitas, can ye cha'on wi riche (rixin) chi yech'o riq'ui ri Dios pa quicuenta ri winek. Yequicamisaj chicop riche (rixin) chi yequitzuj (yequisuj) chuwech ri Dios,#5.1 He. 8.3, 4. chicop ri niquiya' ri winek ruma ri quimac. Y yequitzuj (yequisuj) chuka' nic'aj chic cosas chare ri Dios, ri niquiya' ri winek. 2Ri nimalaj sacerdote ri' chuka' xa jun relic winek; xa can rusutin chuka' ri' ri mac chrij riya', y rumari' tek retaman nujoyowaj#5.2 He. 2.17; 4.15. quiwech ri winek ri xa ma quetaman ta achique ri ruraybel ri Dios, ri xa ye sachnek riq'ui ri quina'oj. 3Y ruma chi ri nimalaj sacerdote xa jun relic winek, rumari' riya' rajawaxic chi yerucamisaj chicop riche (rixin) chi yerutzuj (yerusuj) chuwech ri Dios, y ma xu (xe) ta wi ruma ri quimac ri winek, xa can ruma chuka' ri rumac riya'.#5.3 Lv. 4.3.
4Majun c'a winek ri chak ta queri' ntoc nimalaj sacerdote y nic'oje' anej ruk'ij, xa can c'o chi ya ri Dios nicha'o riche (rixin)#5.4 Ex. 28.1; 1 S. 13.9-14. achi'el xban chare ri Aarón ojer ca. 5Queri' chuka' ri Cristo, ma chak ta queri' xoc Nimalaj Sacerdote y xc'oje' ruk'ij,#5.5 Jn. 8.54. can ya c'a ri Dios ri xcha'o riche (rixin). Ruma ri Dios xubij c'a chare:
Yit c'a riyit ri nuc'ajol.#5.5 Sal. 2.7; Hch. 13.33.
Rumari' wacami nya' ac'aslen.
6Y c'o chuka' jun chic tzij chupan ri ruch'abel ri Dios ri nubij:
Yit c'a riyit ri Sacerdote#5.6 Sal. 110.4. ri majun bey xcajalatej ta,
can achi'el ri sacerdote'il riche (rixin) ri Melquisedec ri xc'oje' ojer ca.
Queri' ri xubij ri Dios chare ri Cristo.
7Y tek ri Cristo xc'oje' wawe' chuwech re ruwach'ulef can xubanala' wi orar#5.7 Sal. 22.1; Mt. 26.53; Jn. 17.1. y xuc'utuj ruto'ic chare ri Dios. Retaman c'a chi ri Dios can nicowin wi nuto' chuwech ri camic. Riya' can riq'ui c'a ronojel ruchuk'a' xch'o riche (rixin) chi xuben orar, y chuka' xok'. Y ri Dios can xrac'axaj wi ri Cristo, ruma ri Cristo can ruya'on wi ruk'ij ri Dios, ri Rutata'. 8Y astape' ri Cristo can Ruc'ajol wi ri Dios, pero xretamaj xunimaj rutzij ri Dios,#5.8 Fil. 2.8. hasta chupan chuka' ri tijoj pokonal ri xuk'axaj. 9Y tek can runiman chic c'a rutzij ri Dios chupan ronojel,#5.9 He. 2.10. Riya' xoc kitzij chi Colonel ri can nicowin wi nuya' colotajic riche (rixin) xtibe k'ij xtibe sek chique quinojel ri yeniman rutzij. 10Ri Dios can xuben wi c'a chare chi xoc Nimalaj Sacerdote;#5.10 He. 6.20. can achi'el ri sacerdote'il riche (rixin) ri Melquisedec ri xc'oje' ojer ca.
Ma tikaya' ta ca ri Cristo
11C'o más nikajo' nikabij chiwe chrij ri rusamaj ri Cristo, ri Nimalaj Sacerdote, pero c'ayef (cuesta) chi nikil rubixic chiwe, ruma xa ma yix q'uiyinek ta chupan ri ruch'abel ri Dios ri iwac'axan pe.#5.11 2 P. 3.16. 12Y xa utz ta chic, chi yix ta riyix ri yixtijon quiche (quixin) ri nic'aj chic riq'ui ri ruch'abel ri Dios. Ruma q'uiy yan chic tiempo#5.12 He. 6.1. yixc'o pa ruch'abel, pero riyix xa c'a nic'atzin na itijoxic chupan ri nabey tak tijonic chare ri ruch'abel ri Dios. Ruma ri ibanon wacami xa c'a yix achi'el na jun ac'al#5.12 Ga. 4.3. ri xa c'ari' nalex, ri xa c'a xu (xe wi) tz'umaj nrajo' y c'a ma jane nutij ta wey. 13Jun ac'al ri c'a nitz'uman na, ma jane nik'ax ta chuwech ri nubij ri ruch'abel ri Dios.#5.13 1 Co. 14.20. Ma retaman ta achique ri' ri choj y achique ri' ri ma choj ta. Rumari' nbij chiwe chi riyix c'a yix achi'el na jun ac'al. 14Yac'a ri can jabel nik'ax chiquiwech ri ruch'abel ri Dios, can ye achi'el c'a jun winek ri can nicowin chic nutij wey. Riye' quitijon qui' riche (rixin) chi can quetaman chic achique ri utz y achique ri ma utz ta.#5.14 1 Co. 2.14, 15; Ef. 4.13.
Currently Selected:
Hebreos 5: cakWS
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.