Hebreos 3

Ri Jesús más nim ruk'ij que chuwech ri Moisés

1Rumari', riyix lok'olaj tak wach'alal ri yix siq'uin (oyon) chuka' ruma ri Dios riche (rixin) chi yixbec'oje' riq'ui chila' chicaj, can tich'obotej c'a chiwech chi ya c'a ri Cristo Jesús ri rutako'n#3.1 Mt. 15.24. ri Dios y ya chuka' Riya' ri Kanimalaj Sacerdote riyoj ri kaniman. 2Ri Cristo Jesús can xuben wi ri samaj ri xya'ox (xya') pe chare ruma ri Dios, achi'el xuben ri Moisés.#3.2 Nm. 12.7; 1 S. 12.6. Ri Moisés can utz quic'uaxic xuben chique ri ye ralc'ual ri Dios. 3Y rumari' ri Moisés c'o ruk'ij. Pero ri Jesús yari' ri c'o más ruk'ij ruc'ojlen, ruma Riya' can achi'el jun aj banoy jay.#3.3 Zac. 6.12; Mt. 16.18. Y ketaman wi chi ya ri aj banoy jay ri más c'o ruk'ij, que chuwech ri jay ri nuben. 4Ruma ronojel jay xa winek ri nibano, yac'a ronojel ri yekatz'et, ya ri Dios ri banayon.#3.4 Ef. 2.10. 5Ri Moisés jun utzilaj rusamajel ri Dios, can utz quic'uaxic xuben chique ri ye ralc'ual ri Dios. Ri Moisés xeruk'alajsaj#3.5 Dt. 18.15, 18, 19. yan c'a ri c'a ma jane yebanatej ta chupan ri tiempo ri'. 6Ri Cristo chuka' can utz quic'uaxic nuben chique ri ye ralc'ual ri Dios. Pero Riya' ma xu (xe) ta c'a rusamajel ri Dios, achi'el ri Moisés. Ri Cristo can Ruc'ajol wi ri Dios. Riyoj chuka' yoj ralc'ual chic ri Dios, pero wi cof xkojc'oje' chupan ri kacukbel c'u'x#3.6 Mt. 10.22. y nbekaq'uisa' c'a pa ruwi', y wi riq'ui quicoten nikoyobej apo ri k'ij tek xtibekila' ronojel ri utzil ri koyoben.

Ri uxlanen riche (rixin) ri rutinamit ri Dios

7Ruma chupan ri ruch'abel ri Dios ri tz'ibatal ca, ri Lok'olaj Espíritu#3.7 2 S. 23.2; Mt. 22.43; Mr. 12.36; Hch. 1.16; 28.25. nubij c'a:

Wi xtiwac'axaj ri ruch'abel ri Dios wacami,

8man c'a ticowirisaj#3.8 Sal. 81.11; 95.8, 9; Is. 55.2, 3. ta ri iwánima, ma tiben ta achi'el xquiben ri iwati't imama' ojer ca, tek xquiyec woyowal ri pa desierto.

Xcajo' xquitz'et, wi kas kitzij chi nika ruc'ayewal pa quiwi'.

9Ruma, cawinek juna' xquitz'et ri milagros ri xenbanala' chiquiwech.

Ma riq'ui wi ri' xa xinquitojtobej, ruma q'uiy etzelal xquiben riche (rixin) chi nicajo' niquetamaj wi kas kitzij chi xtinya' ruc'ayewal pa quiwi'.

10Rumari' xpe woyowal chique ri winek ri xebano queri'.

Y riyin xinbij c'a: Ri cánima re winek re' xa ma wuq'ui ta riyin c'o wi, xa chiquij nic'aj chic benak wi.

Can niquiben chi ma quetaman ta ri utzilaj bey ri nc'utun chiquiwech.

11Y xinben jurar ruma ri woyowal y xinbij:

Kas kitzij chi ma xque'oc ta chupan ri uxlanen ri nya' riyin.

Queri' nubij ri tz'ibatal ca.

12Wach'alal, tichajij c'a ri ic'aslen chi'iwachibil iwi', riche (rixin) chi can ta cukul ic'u'x riq'ui ri Dios, y chi man ta c'o etzelal ri pa tak iwánima, riche (rixin) chi queri' ma xtiya' ta ca ri c'aslic Dios. 13Rajawaxic chi k'ij k'ij nipixabala' iwi' chi'iwachibil iwi',#3.13 He. 10.24, 25. ruloman chi wacami c'a ya'on na tiempo chake. Queri' tibana' riche (rixin) chi majun xticowir ta ri ránima chupan ri k'oloj riche (rixin) ri mac. 14Riyoj xa can jun chic c'a kabanon riq'ui ri Cristo, ruma xkacukuba' kac'u'x riq'ui tek xkanimaj. Pero rajawaxic chi cof yojc'oje' chupan ri kacukbel c'u'x y nbekaq'uisa' c'a pa ruwi'.#3.14 He. 3.6. 15Ruma chupan ri ruch'abel ri Dios nubij:

Wi xtiwac'axaj ri ruch'abel ri Dios wacami,#3.15 He. 3.7.

man c'a ticowirisaj ta ri iwánima, ma tiben ta achi'el xquiben ri iwati't imama' tek xquiyec woyowal,

nicha' ri Dios.

16¿Achique c'a ri xeyaco royowal ri Dios#3.16 Nm. 14.2, 4, 11, 23, 30; Dt. 1.34, 35. astape' can quic'axan chic ri ruch'abel? Ri xebano queri', quinojel ri xe'el pe ri pa ruwach'ulef Egipto, ri xecolotej pe ruma ri Moisés. 17¿Achique cami winek ri can cawinek juna' xpe royowal ri Dios chique? Ri' chique ri xemacun y xecom ca ri pa desierto,#3.17 Nm. 26.65. y ri quich'acul xabacuchi (xabachique) xecanaj wi ca. 18¿Achique cami winek ri can xban jurar chique ruma ri Dios chi can ma xque'oc ta chupan ri uxlanen ri nuya' Riya'? Ri' chique ri winek ri xa ma xeniman ta tzij. 19Y riq'ui ri', riyoj nikatz'et chi riye' ma xecowin ta xe'oc chupan ri uxlanen ri'#3.19 He. 4.5, 6, 11. ruma ma xquinimaj ta ri Dios.

Currently Selected:

Hebreos 3: cakWS

Highlight

Copy