2 Timoteo 4
4
Ri Pablo nubij chare ri Timoteo chi tutzijoj ri ruch'abel ri Dios
1Y chuwech ri Dios#4.1 1 Ti. 5.21. y ri Ajaf Jesucristo ri xtipe chic jun bey, ri xtik'alajin chi can c'o wi rajawaren, y xtoruk'ata' ka tzij pa quiwi' ri ye q'ues, y pa quiwi' chuka' ri ye caminek chic el, nbij c'a chawe riyit Timoteo: 2Can ma catane' ta riche (rixin) chi natzijoj ri ruch'abel ri Dios, chique ri ye'ajowan niquic'axaj y chique ri ma nicajo' ta chuka'. Tabij chique#4.2 1 Ti. 4.13; Tit. 1.13. ri winek chi tiquik'ila' qui' chi ma tiquiben ta chic achique ri xa ma utz ta. Tabij chique ri quic'uan jun itzel c'aslen, chi tiquijala' quic'aslen. Y que'apixabaj quinojel riq'ui jun coch'onic y riq'ui ri utzilaj tijonic. 3Ruma xtapon na wi jun k'ij tek ri winek xa ma xticajo' ta chic chi yetijox riq'ui ri utzilaj tak ch'abel.#4.3 1 Ti. 1.10. Xa can xtibe cánima chrij ri xa ma ye kitzij ta ri yec'ut chiquiwech, y xquequicanoj c'a ye q'uiy ri yetijon quiche (quixin) riq'ui ri achi'el ri nicajo' ka riye' chi niquic'axaj. 4Xa ma xticajo' ta chic xtiquic'axaj ri kitzij chi ruch'abel ri Dios, ruma xa nibe cánima chrij ch'abel ri yetzijox ri xa majun quejkalen.#4.4 1 Ti. 1.6. 5Yac'a riyit tach'obo' jabel ronojel ri naben. Tacoch'o' ri tijoj pokonal ri nipe chawij. Ma catane' ta chutzijoxic ri lok'olaj ch'abel ri niya'o colotajic. Tabana' c'a ronojel ri samaj ri ya'on chawe ruma ri Dios.
6Ruma riyin xa can xu (xe wi) chic c'a woyoben ri k'ij chi yicamisex.#4.6 Fil. 2.17. Ri k'ij riche (rixin) chi yibe#4.6 Fil. 1.23. y nya' ca re ruwach'ulef, xa nakaj chic c'o wi. 7Sibilaj ntijon nuk'ij#4.7 1 Ti. 6.12. chubanic ri nrajo' ri Dios, y nbanon ronojel ri samaj ri ya'on chuwe ruma ri Dios.#4.7 Hch. 20.24. Y can ma nya'on ta ca ri cukbel c'u'x. 8Rumari', ri más chkawech apo can c'o jun lok'olaj sipanic#4.8 Ap. 2.10. ri xtinc'ul ruma xinc'uaj jun c'aslen choj, y ya ri Ajaf, ri utzilaj aj k'atbel tzij, ri xtiya'o ri sipanic ri' chuwe chupan ri k'ij tek xtipe chic jun bey. Y ma xu (xe) ta wi chuwe riyin xtuya' wi ri lok'olaj sipanic ri', xa can xtuya' chuka' chique quinojel ri ye'ajowan y coyoben#4.8 Sal. 31.19. chi nipe chic jun bey.
Ri pixa' ri xubij ca ri Pablo chare ri Timoteo
9Riyit Timoteo, can tatija' ak'ij chi yape wuq'ui chanin, riche (rixin) chi yino'atz'eta' juba'. 10Ruma chi ri Demas#4.10 Col. 4.14; Flm. 24. xa xbe pa tinamit Tesalónica. Xiruya' ca, ruma xa xbe ránima#4.10 1 Jn. 2.15. chrij ri nutzuj (nusuj) re ruwach'ulef. Ri kach'alal Crescente benak ri pa tak tinamit ri yec'o pa rucuenta ri Galacia. Y ri kach'alal Tito chuka' benak pa tak tinamit ri yec'o pa rucuenta ri Dalmacia. 11Re wacami xa can xu (xe) wi chic ri kach'alal Lucas ri c'o ca wuq'ui. Tac'ama' c'a pe ri kach'alal Marcos#4.11 Hch. 12.25; 15.37; Col. 4.10. tek xcape, ruma riya' nic'atzin chuwe riche (rixin) chi yiruto' chupan ri samaj. 12Ri kach'alal Tíquico#4.12 Hch. 20.4. xintek el pa tinamit Efeso. 13Tek xcape, tac'ama' pe ri nuchaqueta ri xinya' ca riq'ui ri kach'alal Carpo pa tinamit Troas. Y que'ac'ama' pe chuka' ri nuwuj. Pero ri más nic'atzin chuwe chi nac'om pe ye ri tz'um ri ye tz'iban ruwech.
14Ri Alejandro#4.14 Hch. 19.33; 1 Ti. 1.20. ri aj ch'ayol ch'ich', q'uiy c'a etzelal ri rubanon chuwe. Y ya c'a ri Ajaf ri xtiya'o ri rutojbalil#4.14 2 S. 3.39; Sal. 28.4. chare, can achi'el ri yerubanala'. 15Rumari' riyit, can tachajij c'a awi' jabel chuwech, ruma riya' sibilaj nretzelaj ri ruch'abel ri Dios ri nikatzijoj riyoj.
16Ri nabey mul tek xinto' pe wi' chuwech ri aj k'atbel tzij, can majun chic jun ri xch'o ta pa nucuenta, xa xinquiya' ca nuyonil. Yac'a riyin nwajo' chi ri Dios man ta xtuya' ruq'uexel#4.16 Hch. 7.60. chique ri xa ma xinquito' ta. 17Pero ri Ajaf can xiruto' wi.#4.17 Sal. 22.21; 109.31; Mt. 10.19; 2 P. 2.9. Xuya' wuchuk'a'. Y rumari' xicowin xinq'uis ruk'alajsaxic ri ruch'abel ri Dios chique quinojel ri winek ri ma ye israelitas ta y ruma chi xiruto' ri Ajaf, rumari' tek xicolotej pe ri pa ruchi' ri jun achi'el coj. 18Y riyin wetaman chi ri Ajaf xticolo wuche (wixin) chuwech ronojel etzelal ri nipe chuwij. Wetaman chi xquiruchajij#4.18 Sal. 121.7. riche (rixin) chi queri' xquinoc pa rajawaren chila' chicaj. Ri Ajaf can xtiya'ox (xtya') ta c'a ruk'ij ruc'ojlen riche (rixin) xtibe k'ij xtibe sek. Amén.
Ri ruq'uisbel tak ch'abel chare re wuj re'
19Taya' rutzil quiwech ri kach'alal Prisca y Aquila,#4.19 Hch. 18.2. y chuka' quinojel ri yec'o pa rachoch ri kach'alal Onesíforo.#4.19 2 Ti. 1.16. 20Ri kach'alal Erasto#4.20 Hch. 19.22. xc'oje' ca pa tinamit Corinto, y ri kach'alal Trófimo#4.20 Hch. 20.4. xinya' ca pa tinamit Mileto ruma yawa'. 21Y riyit Timoteo, tatija' c'a ak'ij chi yape wuq'ui#4.21 2 Ti. 4.9. tek c'a ma jane ruk'ijul ta ri job.#4.21 Quela' pa Roma, ri acuchi (achique) xc'oje' wi ri Pablo pa cárcel, ri “invierno” ma ruk'ijul ta ri job, xa ruk'ijul ri tef. Ri kach'alal Eubulo nutek el rutzil awech. Y chuka' ri kach'alal Pudente, ri Lino, ri Claudia, y quinojel ri kach'alal wawe' niquitek el rutzil awech.
22Ri Ajaf Jesucristo xtic'oje'#4.22 Ga. 6.18. ta c'a pan awánima riyit. Y chi'iwonojel ri yixc'o chiri' xtic'oje' ta c'a ri rutzil ri Dios iwuq'ui. Amén.
Currently Selected:
2 Timoteo 4: cakWS
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.