Zacarías 8
8
Na'su Chiga ñotsse tsoña'cho
1Qquen tsu Na'su Osha'choma Oshacho'cho Chigaja ñama su: 2“Qquen gi ña, Na'su Osha'choma Oshacho'cho Chigaja su: Ñoa'me gi Zión ccotta'ccoma ñotsse in'jamba se'pipa tsave ñombi'ye. 3Ñombi'ye gi ccase tseni japa can'jeñe. Tseni can'jensi tsu Jerusalénma afa'faya Chigama Paña'jen'cho canqque. Toya'caen tsu Na'su Osha'choma Oshacho'cho Chiga can'jen'cho ccotta'ccoma afa'faya Chigambe ccotta'cco. 4Nane tsequi a'ta ccasheyendeccu ccashendeccu'qque poiyi'cco tise'pa accuicco'choi'ccu jacamba Jerusaléni'su atandundunga ccase avujatsse dyaipa condase'je'faya. 5Toya'caen tsu tsandie, pushesu dushundeccu'qque tsa canqque'su atandunduni dyombi'tsse cofe'je'faya. 6Nane tsequi a'ta tsu toya Jerusaléni can'jensundeccu ‘Tsa'caen tsoñe oshaya'bi’ qquen in'jan'choja atteyeya. Tsa'ma ña Na'su Oshachoma Oshacho'cho gi ai'yembe tsa'caen tsoñe oshapa que'ima su: 7Ña aindeccuma gi ccushaeña chiga sombo'jeni'su ande'ye, chiga amppi'jeni'su ande'ye'qque. 8Tise'pama ccushaemba gi Jerusaléni iya cuintsu vani can'jen'faye. Vani can'jemba ñoa'me ña aindeccuve da'fasi gi ñajan tise'pa Chigave dapa tise'pama ñotsse in'jamba ñotsse mandaya.”
Currently Selected:
Zacarías 8: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.
