Malaquías 1
1
Chiga Israelma in'jan'cho
1Na'su Chiga tise Aya'fama afa'su Malaquíasma afafaemba qquen Israel aindeccuma condaye manda:
2Na'su Chigaja su: “Ñajan que'ima ñotsse in'jan.” Tsa'ma que'ija qquen iñajampaña'fa: “¿Ma'caen gi atesu'faya que ingima in'jan'chove?” Qquen iñajampaña'fasi Na'suja su: “Esaúja Jacob quindya fae'ngae isu'cho tsu. Tsa'ma ñajan Jacobma in'jamba gi 3Esaúma chi'ga. Chi'gapa gi tise ccotta'cco'su andema'qque a'i meniame tson. Nane tise an'bian'cho andeni tsu tsampi'su injansu jacan'fa.”
4Esaú omba'su dushundeccu, tsa edomitandeccu, “Ingima sefaen'ni'qque ccase gi quin'an a'ive atapa'faya.” qquen su'fa'ninda Na'su Chiga tsu qquen suya: “Ccase atapa'fasi gi ccase tise'pama sefaeña. Nane poiyi'cco tsu tise'pa andema afa'faya ‘Ega aindeccu ande’ toya'caen ‘Na'su Chiga tsangae iyicca'ye'cho ande’.” 5Que'ija tsama tisu tso'fei'ccu attepa qui su'faya: “¡Na'su Chigaja joccapitssia! ¡Nane Israelma in'jamba tsu poi andeni tisu in'janqquia'caen tson'jen!”
Currently Selected:
Malaquías 1: con
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.