Jeremias 47:1-2

Sa wala pa sulonga sa hari sa Ehipto ang Gaza, ang GINOO misulti kanako bahin sa mga Filistihanon, “Tan-awa, nag-anam kadako ang tubig didto sa amihanan, ug mosanap kini daw suba nga nagbaha. Sanapan niini ang yuta ug ang tanan nga anaa niini, ang mga siyudad ug ang mga lumolupyo niini. Magpakitabang ang mga tawo ug ang tanan manghilak tungod sa ilang kalisdanan.