Jekaria 4
4
Okar mac tara ki yadi jeituni
1Lamalaika ma ceŋ obedo ka lok kweda dok obino bota, ocako co na woko, macalo gicoyo ki dano ki i waŋ nino. 2Ocako penya ni, “Ineno gin aŋo?’ Ci agamo doge ni, “Aneno okar mac tara ma kome ducu obedo jabu ki bakul i i wiye, ki tara abiro gicibo i wiye, kun tara acel acel ma gicibo i wiye-ni tye ki doge abiro. 3#Yabo 11.4Yadi jeituni aryo tye i ŋete, acel tuŋ malacuc me bakuli, ki acel mukene tuŋ acam.” 4Cutcut apenyo lamalaika ma obedo ka lok kweda ni, “Magi gin aŋo kaa, ladit?” 5Ci lamalaika ma obedo ka lok kweda odokka iye ni, “In pe iŋeyo jami magi?” An dok agamo bote ni, “Pe aŋeyo gira, ladit.” 6#Ejira 5.2En dok ogamo doga ni, “Man en aye lok ma Rwot owaco bot Jerubabel, ni, ‘Pe ki twer kadi ki teko, ento pi Cwiny mera, man lok pa Rwot me mony k ikome. 7In gin aŋo kaa, in got madit?’ Ibidoko bar i nyim Jerubabel. En bikelo got me wi ot kun dano giwo ni, ‘Gum obed bote, gum obed bote!’’’. 8Lok pa Rwot dok omedde ki bino bota kun wacca ni, 9“Cin Jerubabel doŋ oketo guti me ot man; cine bene aye bityekone, Man bimiyo wuŋeyo ni Rwot me mony en aye muora botwu. 10#Yabo 5.6Pien ŋat ma cayo nino me lok man ok, bibedo ki yomcwiny, dok bene bineno birigi i ciŋ Jerubabel. Magi abiro-ni gin aye waŋ Rwot ma gibedo ka ŋiyo lobo ducu.” 11#Yabo 11.4Anwoyo penye dok ni, “Ento yadi jeituni ma gitye tuŋ acuc ki tuŋ acam-mi ca kono gubedo gin aŋo?” 12Ka dok apenye tyen me aryone ni, “Jaŋ yadi jeituni aryo-ni kono gubedo gin aŋo, ma tye i ŋet paipo aryo me jabu ma moo tye ka mol ki i igi-nu?” Ka dok en openya ni, “Pe iŋeyo jami magi?” 13An adokke iye ni, “Pe aŋeyo, ladit.” 14Ka en otitta ni, “Magi jo aryo ma gityeko wirogi ki moo ma gicuŋ i ŋet Rwot me lobo ducu.”
Currently Selected:
Jekaria 4: Aco85
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Acholi Bible © Bible Society of Uganda, 1985.