Niyabo 18
18
Poto pa Babilon
1Lacen dok aneno lamalaika mukene ka lor piny kun a ki i polo, ma onoŋo tye ki twero madit; deyone oryeny ocaro wi lobo ducu. 2#Ic 21.9; Jer 51.8; Yabo 14.8; Ic 13.21; Jer 50.39 Ci odaŋŋe ma dwane winnye matek twatwal ni,
“Babilon madit doŋ opoto, opoto gire woko!
Doŋ odoko kabedo pa jogi,
odoko bene ka kanne pa cen maraco ducu,
ki pa winyo maraco ma i dano kwero.
3 #
Ic 23.17; Jer 51.7 Rok ducu gumato koŋo vino me timme macol me tarwaŋ ca,
luker ducu me wi lobo gutimo kwede abor,
ki lucat-wil ma i wi lobo ducu doŋ gumedde gudoko lulonyo
pi bedone me caro ki tim twarwaŋe-ni ma okato kare.”
4 #
Ic 48.20; Jer 50.8; 51.6, 45 Dok awinyo dwan mukene ma oa ki ipolo kun wacci,
“Wun jona, wua woko ki bote,
wek pe wuribbe kwede i balle,
wek bene pe wunywak kwede gemo mogo ma poto i kome!
5 #
Acak 18.20, 21; Jer 51.9 Pien balle doŋ odurre malo lipim, oo wa i polo,
Lubaŋa doŋ opo i kom tim maraco ducu ma yam en otimo.
6 #
Jab 137.8; Jer 50.29 Wutim dako-nu ki kit tim ma yam en otimowu kwede,
ma en otimo,
wurub gin ma en mato obed mapek twatwal i kikopone kikome
ma ya en orubo iye ginamata botwu-ni.
7 #
Ic 47.7-9
Dok wumi bote arem ki kumo ma rom ki kit ma en obedo ka wakke kwede,
ki timme me caro caro.
Pien en waco ki i cwinye ni,
‘An daker, abedo i wi kom,
pe arom ki da-to,
pe abibedo ki kumo wacel’,
8pi meno gemone ducu bipoto i kome i nino acel,
two odeke, kumo ki kec.
Gibiwaŋe woko bene ki mac,
pien Rwot Lubaŋa ma ŋolo kop i kome tekke dit.”
9Doŋ luker me wi lobo ma yam gutimo abor kwede, ma gulubo timme me tarwaŋ, gibikok pire kun gidoŋo oduru ma noŋo ginene doŋ tye ka waŋ i mac kun yitone duny. 10#Ejek 26.16, 17 Gibicuŋ wa cen pi lworo kit can ma giune kwede, kun giwacci,
“Ai do, ai do! Ineno can ba,
in Babilon, gaŋ madit dok matek!
Kop ma giŋolo i komi doŋ opoto i komi lawaŋacel.”
11 #
Ejek 27.31, 36 Lucat-wil me lobo bene gitye ka koko kun gikumo pire, pien ŋat mo pe ma dok biwilo jami ma opoŋ i melgi, 12#Ejek 27.12, 13, 22 jabu, ryal, litino kidi me wel, tiko matar me wel, boŋo camanini maberre, boŋŋi ma obedo lamar lamar, boŋŋi aridi ki makwar, ki kit bao mapatpat ducu ma ŋwecgi kur, jami ducu ma gitiyo ki lak lyec-gu, jami ducu ma gitiyogi ki bao ma welgi malo twatwal, mola, nyonyo, ki got me gedo ma giliyo aliya maber twatwal, 13cinamon ki gin mogo mukene ma ŋwecgi kur, odok eceta me awaŋa, murra, odok luban, koŋo vino, moo jeituni, moko mapwot ki ŋano, dyaŋi ki romi, aguragura, ki gadigadi lweny, opii, kadi wa kwo pa dano kikome.
14“Nyig yat ma yam cwinyi paro twatwal-li doŋ gikwanyo woko ki boti,
cam mogo mamit ma pe nen atata ki jami ma gipwoyo ki waŋ,
doŋ gurwenyo woko ki boti, pe dok ibinoŋogi matwal!”
15 #
Ejek 27.31, 36 Lucat-wil ma yam gicato jami magi ducu, ma doŋ gudoko lulonyo pi gaŋ meno, gibicuŋ wa cen ka mabor pi lworo ki can ma giune kwede, kun gikok matek ma kumo kwede ni,
16“Ai do, ai do, gaŋ madit-ti oneno can ba,
en gaŋ ma yam onoŋo giruko woko ki boŋo camanini maberre,
ki boŋŋi ma lamar lamar ki makwar,
kun gidero woko ki jabu, kidi me wel,
ki tiko matar me wel bene.
17 #
Ic 23.14; Ejek 27.26-30 Lonyo madit kit man-ni giketo woko teŋteŋ lawaŋacel.”
Ludito me mel, ki jo ma woto i nam, ludwo mel ki jo ducu ma gitiyo tic me cato wil i nam, gucuŋ wa cen ka mabor, 18#Ejek 27.32 ci gudaŋŋe matek ka gunene tye ka waŋ kun yito duny, kun giwacci,
“Gaŋ mene ma onoŋo yam rom ki gaŋ man madit-ti?”
19 #
Ejek 27.30-34
Ciguonyo putu i wigi, i kare ma gitye ka koko kun gikumo ma gidaŋŋe ki koko matek pire ni,
“Ai do, ai do, ineno can ba, in gaŋ madit-ti,
ka ma jo ducu ma yam gitye ki melgi i nam
gudoko lulonyo pi lonyone madwoŋŋi!
Giketo woko teŋteŋ i cawa acel keken.
20 #
Nwo 32.43; Jer 51.48 Wudaŋŋe ki wer me yomcwiny,
wun lwak me polo,
wun jo maleŋ, wun lukwena ki lutit lok pa Lubaŋa,
pien Lubaŋa doŋ odwoko kop ma yam oŋolo i komwu-ni i kome!”
21 #
Jer 51.63, 64;
Ejek 26.21
Lalaikmaa mo matek otugi kwanyo gweŋ mo madit ma rom ki kidi rego, ci obolo woko i nam, kun wacci,
“Babilon ma en gaŋ madit-ti
gibitimo ki tim bwami gicanyo woko matek i ŋom,
pe doŋ gibinoŋo matwal!
22 #
Ejek 26.13; Ic 24.8 Dwan lugo-naŋa ki jo ma goyo wer ducu,#Jer 7.34; 25.10
dwan lukut nyamulere ki lukut tum
pe dok biwinnye boti matwal.
Dano mo ma tiyo tic me diro
pe dok binoŋŋe boti matwal.
Mor pa kidi rego
pe dok biwinnye boti matwal.
23Tara mo pe dok bilyel menyi,
kadi ki dwan lanyom ki dwan nyako ger
pe dok biwinnye boti matwal;
pien lucat-willi onoŋo yam gin jo ma pigi dito atika i lobo
yam bene ibwolo rok ducu ki tim jokjok ma ibedo ka timone.
24 #
Jer 51.49
Remo pa lutit lok pa Lubaŋa ki pa jo maleŋa,
remo pa jo ducu ma yam ginekogi i lobo, ginoŋo tye i Babilon.”
Currently Selected:
Niyabo 18: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
