Jabuli 91
91
Lubaŋa aye lagwokwa
1Dano ma bedo i kakanne pa En Mamalo Twal,
ki ma bedo i te gwok pa Won Twer Ducu,
2biwaco bot Rwot ni, “In kalarrena ki cella,
in Lubaŋana ma ageno.”
3En aye ma bilari ki i owic pa ladwar,
ki i two gemo marac ma neko dano.
4En biumi ki bwome,
ibiriŋo ka larre i te bwome,
adane en kwot ki gin ma geŋo kori.
5Pe ibilworo gin marac i dyewor,
nyo kadi atero ma gicelo dyeceŋ,
6kadi two gemo ma neko dano atura i colpiny,
nyo can ma poto nekogi i dyeceŋ.
7Jo alip apar gitwero to ka ŋeti,
ki jo alip i tuŋ ciŋi ma lacuc;
ento gin mo pe bigudo komi.
8Ibibedo caden keken,
ibineno kwor ma giculo i kom lutim maraco ki waŋi.
9Inoŋo Rwot doŋ odoko kalarreni,
En Mamalo Twal doŋ odoko kabedoni.
10Can mo pe bipoto i komi,
kit gemo mo bene pe bibino cok ki kemani.
11 #
Mat 4.6; Luka 4.10 Lubaŋa biciko lumalaikane piri me gwoki ka ma iwoto iye ducu.
12 #
Mat 4.6; Luka 4.11 Gibijoli ki ciŋgi,
wek pe iyok tyeni i kom got.
13 #
Luka 10.19
Ibinyono labwor ki ororo,
ibitoro latin labwor ki twol piny i nom ki tyeni.
14Kit macalo en onyuto marre i koma, abilare;
abigwoke, pien en ŋeya.
15Ka okok bota, abigamo doge;
abibedo kwede i kare me ayelayela,
abilare dok abiketo deyo i kome.
16Abikweyo cwinye kun amiye eri i lobo pi mwaka mapol,
abimiyo en ŋeyo ni an lalar dano.
Currently Selected:
Jabuli 91: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
