Jabuli 51
51
Lega pi lonnye i kom bal#51.0 Jab 51 Leb Ibru owacci Daudi owero wer man i kare ma lanebi Natan obino bote i kare ma en otyeko bedo ki Batceba.
1Ai Lubaŋa, tima kica
pi mar meri ma pe lokke;
dok pi kicani madwoŋ jwa balla woko ducu,
2Lwok gin marac woko ki i koma,
dok ilonya i kom balla.
3Aŋeyo balla ducu maber,
dok kare ducu wiya po i kom bal ma atimo.
4 #
Rom 3.4
Doŋ atyeko timo bal i komi, i komi keken,
kun atimo gin ma nen marac i waŋi;
pi meno lok ma iwaco tye atir,
dok kop ma iŋolo i kuma tye kakare.
5Nen, abedo labalo cakke i kare ma ginywala,
i kare ma maa ogamo ic onoŋo an doŋ atye ki bal.
6Nen, in imito ni dano obed ki ada i iye;
pi meno pwonya ki lok me ryeko wek odony matuti cwinya.
7Lonya ki anyero, ci abidoko leŋ;
lwoka ci abidoko tar makato pee.
8Miya abed ki yomcwiny madwoŋ;
mi cogo koma ducu ma yam ituro woko gubed ki yomcwiny bene.
9Mi waŋi woko, pe inen rocca,
dok ijwa balla woko ducu,
10Ai Lubaŋa ma Lacwec,
miya abed ki cwiny mulony,
ket cwiny manyen ma pe lokke obed iiya.
11Pe iryema woko ki i nyimi,
dok pe ikwany Cwiny meri maleŋ woko ki bota.
12Lara, ci imi dok abed ki yomcwiny;
miya cwiny me lubo cikki wek acuŋ matek.
13Ci abipwonyo lujemo me lubo yoni,
lubalo gibilokke gidwogo boti.
14Ai Lubaŋa, lara ki i kom bal alii me oyo remo,
in Lubaŋa lalarra,
dok abiwero wer me paki ki dwan maloŋo pi kiti ma atir.
15Ai Rwot, yab doga,
ci abiwero wer me paki.
16Gitum ma dano kelo pe mini yomcwiny mo;
kadi bed atyer boti gitum awaŋa, pe ibipwoyo.
17Gitum ma Lubaŋa pwoyo aye cwiny ma oŋut;
ai Lubaŋa, in pe ibicayo ŋat ma cwinye cwer ki ma oŋut.
18Tim ber ki Cion muporo bercwinyi,
dok icwe cel me Jerucalem odoco.
19 #
1 Cam 22.9-10
Ci doŋ cwinyi bibedo yom pi gitum ma atir,
pi gitum awaŋa ki gitum ma giwaŋo woko ducu ki berre;
ka doŋ gibityero twoni i wi keno tyerri.
Currently Selected:
Jabuli 51: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
