Jabuli 34
34
Wer pak pa dano ma Lubaŋa olare ki i can#34.0 Jab 34 Leb Ibru owacci Daudi owero jabuli man i kare ma en obaŋŋe woko calo Iapoyaki inyim Abimelek, omiyo Abimelek oryeme woko ci ocito gire.
1Abipwoyo Rwot kare ducu;
dok abibedo ka pake nakanaka.
2Abipako en pi gin ma doŋ otyeko tiyo;
wek jo ma gitye ki can guwiny dok gubed ki yomcwiny.
3Wuribbe kweda me pako dit pa Rwot,
wek wapaku nyiŋe kacel!
4Ayenyo Rwot, ci en ogamo legana dok olara ki i kit
lworo ducu ma onoŋo atye kwede.
5Wuŋen bote, wek wanwu oryeny ma noŋo cwinywu yom,
wek lewic pe omakwu.
6An lacan akok bot Rwot, ci en ogamo doga,
dok olara ki i canna ducu,
7Lamalaika pa Rwot cuŋ kun gwoko jo ma gilworo Rwot,
dok larogi bene woko ki i can.
8 #
1 Pet 2.3
Tem koŋ inen ni Rwot oor.
Dano mariŋo laro bote bedo ki yomcwiny!
9Wulwor Rwot, wun jo maleŋ mere ducu,
gin mo pe ma rem bot jo ma gilwore.
10Litino labwor kare mogo camgi pe, dok kec nekogi;
ento jo ma giyenyo Rwot gin mabeco mo pe birem botgi.
11Wubin litinona, wuwiny lokka, abipwonyowu kit me woro Rwot.
12 #
1 Pet 3.10-12
Aŋa ma maro kwo,
ma paro ni eri pi kare malac
wek enoŋ yomcwiny i kom jami mabeco?
13Gwok lebi pe ilok gin marac,
dok dogi bene pe olok lok me bwola.
14A woko ki i gin marac, ci iti gin maber;
yeny kuc, dok iti matek macalo itwero wek inoŋ.
15Rwot neno jo ma kitgi atir,
dok ciko ite winyo koko ma gikok bote pi kony.
16Rwot dag neno jo ma lutim maraco;
en miyo wi dano wil woko i komgi matwal i lobo-ni.
17Ka jo ma kitgi atir okok bote pi kony, en winyo kokogi,
dok larogi bene woko ki i cangi ducu.
18Rwot tye cok ki jo ma cwinygi goro,
eci laro jo ma gitye ki arem madwoŋ i cwinygi.
19Dano ma kite atir limo can madwoŋ;
ento Rwot lare ki i canne ducu.
20 #
Jon 19.36
En gwoko cogo ma i kome ma ber wek kadi acel mo pe otur woko.
21Gin marac bineko jo maraco;
dok jo ma gidag jo ma kitgi atir gibipwodogi.
22Rwot koko kwo pa luticce;
en pe miyo pwod bot ŋat mo i kom jo ma giriŋo gilaro bote.
Currently Selected:
Jabuli 34: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
