Jabuli 115
115
Lubaŋa acel me ada
1Deyo obed boti keken, ai Rwot,
ento pe obed botwa,
pi mar meri ma pe lokke kacel ki adani.
2Piŋo lurok myero gupenywa ni, “Lubaŋawu tye kwene?”
3Lubaŋawa tye i polo,
en tiyo gin ma cwinye mito.
4 #
Jab 135.15-18; Yabo 9.20 Cal lubaŋagi gitiyo ki ryal dok ki jabu;
meno gin ma dano gutiyo ki ciŋgi,
5Doggi tye, ento pe gitwero lok,
waŋgi bene tye, ento pe gitwero neno piny.
6Itgi tye, ento pe gitwero winyo lok,
umgi tye, ento pe gitwero ŋweyo piny.
7Ciŋgi tye, ento pe gitwero mulo piny,
tyengi bene tye ento pe gitwero wot;
dok pe tye gin mo ma twero winnye ki i dwangi.
8Jo ma gitiyo cal lubaŋa magi girom aroma kwedgi,
ki jo ducu ma geno cal lubaŋa magi bene gitye kit meno.
9Wun jo Icrael, wugen Rwot!
En aye ma konyowu dok gwokowu.
10Wun jo me ot pa Aron bene wugen Rwot!
En aye ma konyowu dok gwokowu.
11Wun jo ma wulworo Rwot, wugen Rwot!
En aye ma konyowu dok gwokowu.
12Rwot pud po i komwa dok bimiyowa gum;
en bimiyo gum bot jo Icrael,
ki bot jo me ot pa Aron ducu.
13 #
Yabo 11.18; 19.5 Rwot bimiyo gum bot jo ducu ma gilwore,
bot jo matino ki bot jo madito ducu maromrom.
14Rwot omed litino botwu,
wun kacel ki likwayowu,
15Rwot myero omiwu gum,
en muketo polo ki lobo!
16Polo obedo jami pa Rwot kene,
ento omiyo lobo bot dano, ni gubed iye.
17Jo muto pe gipako Rwot,
kadi bed wa ŋat ma donyo piny ka ma piny oliŋ mot bene pe pako Rwot.
18Ento wan jo makwo wabimiyo pwocwa bot Rwot
nia tin nio nino ma pe tum. Wupak Rwot!
Currently Selected:
Jabuli 115: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
