YOSUWA 21

Hoyok-ziy ma dok-fiɗi yam glafandina vi sa Levitna

1Sa ŋulona vi sa Levitna co kat mul-ma-ɗifinna Eliyazar, kat Yosuwa goora vi Nun hiɗi sa ŋulona vi jafna vi sa Israyella. 2Nisi law tisiya hay Silo hay nagata vi Kanaan ala: Ma-Vatɗina vul hagata tam Musus kay nigi vulma hoyok-ziyna ma numa lak hayna, hiɗi voora valam kaw, kay farayna vuma as ti haya. 3Sum sa Israyella vilek hoyok-ziy mara'a hay nagata visiya, hiɗi voora vi hoyok-ziy namna lay, ki Ma-Vatɗina vul hagata nala.#21:3 Ɗuw hay Ŋɓ 35:1-8.

4Nisi li ŋaɓta kuɗ ɦayta kay jafna vi sa Kehatna jar sa Levitna, gurona vi mul-ma-ɗifinna Aaron fi hoyok-ziy doogo yam ɦidi jar jafna vi Yuda, jar jafna vi Simeyon hiɗi Benyamin; 5Gurona vi Kehat segena ŋaɓta kuɗ ɦayta vulsi hoyok-ziyn doogo jar jafna vi Efrayim, hay jafna vi Dan hiɗi gal jafna vi Manase. 6Gurona vi Gerson ŋaɓta kuɗ ɦayta vulsi hoyok-ziyn doogo yam ɦidi jar jafna vi Isakar, vi Aser, hiɗi jafna vi Neftali, hiɗi gal-jafna vi Manase goy hay Basan. 7Gurona vi Merari kuɗ vuɗna visi fi hoyok-ziyn doogo yam ma' jar jafna vi Ruben, jar jafna vi Gad hiɗi jafna vi Zabulon. 8Sum sa Israyella vul hoyok-ziy namna lakŋi mi sa Levitna, hiɗi voora valam kaw, nisi ŋaɓam kuɗ ɦayta, ki Ma-Vatɗina vul hagatis tam Musus nala.

9Hoyok-ziy ma selem ka tan kayni mi ma nisi yawam kuɗ jafna vi Yuda hiɗi jafna vi gurona vi Simeyon kay vulsita, 10mi hoyok-ziy ma vuli mi gurona vi Aaron jar jafna vi sa Kehatna gurona vi Levi, kay ŋaɓta kuɗ ɦayta nig kisi jewe. 11Nisi vulsi Kiryat-Arba, ta ya' Hebron hay hiɗiyta vi Yuda, hiɗi voora va'a. Arba kayni mi bum Anak. 12May sinena vi hoyok-ziyna hiɗi hoyok-ziy ma gurayna nisi vulum mi Kaleb goora vi Yefune. 13Hoyok-ziy ma ŋay sum sa ci matna hiɗi voora valamu nisi vulum mi gurona vi mul-ma-ɗifinna Aaron, Hebron hiɗi voora va'a, Libna hiɗi voora va'a, 14Yattir hiɗi voora va'a, Ektemowa hiɗi voora va'a, 15Holon hiɗi voora va'a, Debir hiɗi voora va'a; 16Ayin hiɗi voora va'a, Yutta hiɗi voora va'a, Bet-Semes hiɗi voora va'a kaw. Hoyok-ziyn zleeŋe kuɗ jaf nisin ma' lakŋi. 17Kuɗ jafna vi Benyamin: Gabawon hiɗi voora va'a, Geba hiɗi voora va'a; 18Anatot hiɗi voora va'a, Almon hiɗi voora va'a kaw. Hoyok-ziyn fiɗi. 19Hoyok-ziyna vi muliyan-sa-ɗifinna gurona vi Aaron noŋ pet doogo yam ɦidi hiɗi voora valam kaf.

20Sa Levitna segena sa hay jafna vi gurona vi Kehat ŋaɓta kuɗ ɦayta vulsi galla visiya jar jafna vi Efrayim. 21Nisi vulsi hoyok-ziy ma ŋayna kay sumuna visi sa ci matna, Sikem hiɗi voora va'a, kulo kay hiɗiyta vi Efrayim, Geser hiɗi voora va'a, 22Kibstayim hiɗi voora va'a, Bet-Horon hiɗi voora va'a kaw; hoyok-ziyn fiɗi; 23hay jafna vi Dan, Elteke hiɗi voora va'a, Gibbeton hiɗi voora va'a kaw, 24Ayalon hiɗi voora va'a, Gat-Rimmon hiɗi voora va'a kaw, hoyok-ziyn fiɗi. 25Gal-jafna vi Manase: Taanak hiɗi voora va'a, Rimmon hiɗi voora va'a, hoyok-ziyn ma'. 26Hoyok-ziyn tapay noŋ pet doogo, hiɗi voora valam kaw, kay jafna vi gurona vi Kehat segena.

27Gurona vi Gerson jar jafna vi sa Levitna, hay gal jafna vi Manase, nisi vulsi hoyok-ziy ma ŋay goyna kay sumuna visi sa ci matna: Kayni ti Golan hay Basan hiɗi voora va'a, Beektra hiɗi voora va'a kaw, hoyok-ziyn ma'; 28Hay jafna vi Isakar kayni ti Kisyon hiɗi voora va'a, Dabrat hiɗi voora va'a; 29Yarmut hiɗi voora va'a, Eyin-Ganim hiɗi voora va'a kaw, hoyok-ziyn fiɗi; 30hay jafna vi Aser kayni: Mikeyal hiɗi voora va'a, Abdon hiɗi voora va'a kaw, 31Helkat hiɗi voora va'a, Roheb hiɗi voora va'a kaw. Hoyok-ziyn fiɗi; 32hay jafna vi Neftali kayni, hoyok-ziy ma ŋay goyna kay sa ci-matna, Kedes hay Galileya hiɗi voora va'a, Hamot-Dor hiɗi voora va'a, Kartan hiɗi voora va'a kaw. Hoyok-ziyn ɦidi. 33Tapta vi hoyok-ziy ma ŋulona vi jafna vi Gerson kuɗ vuɗna visiya visiya: Hoyok-ziy ma ŋulon doogo yam ɦidi hiɗi voora valamu.

34Caw jafna vi sa Levitna ma hinina, ma kuɗ vuɗna vi gurona vi Merari, kuɗ jafna vi Zabulon, nisi vulsi Yokneyam hiɗi voora va'a, Kartan hiɗi voora va'a; 35Dimna hiɗi voora va'a, Nahalal hiɗi voora va'a; hoyok-ziyn ŋulon fiɗi; 36kuɗ jafna vi Ruben: Betser hiɗi voora va'a, Yahsa hiɗi voora va'a, 37Kedemot hiɗi voora va'a, Meffat hiɗi voora va'a kaw, hoyok-ziyn ŋulon fiɗi; 38Kuɗ jafna vi Gad, hoyok-ziy ma ŋayna kay sa ci-matna: Ramot hay Galaad hiɗi voora va'a, Mahanayim hiɗi voora va'a, 39Hesbon hiɗi voora va'a, Yayezer hiɗi voora va'a, tapay pet hoyok-ziy ŋulon fiɗi. 40Tapta vi hoyok-ziyna ma nisi lum kuɗ ŋaɓta vi gurona vi Merari, kuɗ vuɗna visiya visiya, jafna vi sa Levitna ma hinna tap kulo haysi kaf: Hoyok-ziy ŋulon doogo yam ma'. 41Tapta vi hoyok-ziyna vi sa Levitna jar ir vocota vi sa Israyella: Hoyok-ziy ŋulon dok-fiɗi yam glafandi hiɗi voora valamu. 42Hoyok-ziyn ŋulon marige kaw ka hiɗi voora valam ŋuyi talamu, hoyok-ziy ma ŋulon kaf ka ki kayn nala.

43Ki kayn nala Ma-Vatɗina vulsi nagata ta nam yi va kalam kay vula' mi sumaysiya; nisi sli naga na'ta, lak haya'a. 44Ma-Vatɗina vulsi tun-sukka goy hay galsi kafe, ki nam yi va kalam vok sumaysi nala; sa ma gaw kisi kep kaw col digsiɗi. Ma-Vatɗina vul sa gawt kisin hay ɓisiya. 45Kuɗ yoboy ma ŋaana ma Ma-vatɗina dum tam jafna vi Israyel kaf, mara hin goy bay vunam hobɗi, nam kaf vunam hoba.

Currently Selected:

YOSUWA 21: Massana

Highlight

Copy