Job 3
3
Job ge ǃnaes âba ra ǃhausen
1ǁNās khaoǃgâb ge Joba ǃhoatsoatsoa tsî ǁîb di ǃnaetsēsa ge ǀâxare. 2Tsîb ge ge mî:
3“As tita ge ǃnae-ai tsēsa kā,
tsî tsuxub hîa ge mîba: ‘ǀGôarob ge go ǀgamǀkhāhe!’
4As ǁnā tsēs ai ǃkhaenas ǀguisa hâ.
Elobab ǁnā tsēsa tātsē tā ǂâihō;
tamas ka iob tā ǃnâba ǁnā tsēs ai hâ.
5As kai ǃkhaenas tsî ǂnū sommi tsîra ǀguira ǁîsa gaoǂam;
as ǂnū ǃâusa ǃgū-ai si; ab tsēs di ǃkhaesiba ǃaorosa.
6ǁNā tsuxuba ab kai ǃkhaenas xa haraǂgāhe;
tāb kurib di tsēdi ǃnâ ǃgôaǂgāhe;
tāb ǁkhâgu tawas tsîna ǃgôasīhe.
7Ā, ab ǁnā tsuxuba ǂûtanioǃnâ,
ǃgâiaǂgaob di ǃaub ǁîb ǃnâ ǀkhaise.
8ǀÂxare-aoga a gu ǁîba ǀâxarexū,
ǁîgu Leviatanna#3:8 Leviatanna: Nēs ge huriǀgurub tamas ka io draki tamas ka io korokodili ǁga ra ǁnaeǁgau. ǃGaidī-aogu ǁîba ǃkharese soresa ǃkhaeǃkhae-ūs ǃaroma ra sîsenū tin ge khoena ge ǂâi hâ i. ǁaiǁais ǂansa ūhâga.
9A di ǁîb ǁgoaǀgamirode ǃkhaeǃkhaehe;
ab ǁhai tide tsēs ǃnâb tamas ka io ǁgoas di ǀkhâuga ǃâu.
10ǁÎb ge ti îs di ǁhās dao-amde ǂganam tama i,
tsî nē ǂōǂōsiba xu sâu te tama i amaga.
11“Tare-i ǃaroma ta kha ti ǃnaetsēs ai ǁō tama ge i,
tamas ka io ǃnae ta ge ǁaeb ǂûb ai?
12Tare-i ǃaroma ta kha ǁgoara ai ge ǃkhōǃoahe?
Tare-i ǃaroma ra kha dai-ai ta nî samra ge ūhâ i?
13ǁNā tamas ga hâ, o ta ge nēsi ǃnōsase ga ǁgoe hâ;
ǂkhîb ǃnâ ta ge ga ǁomǁgoe hâ,
14ǃhūbaib di gao-aogu tsî ǁîgu ǀapemā-aogu tsîgu ǀkha,
ǁnāgu ǀoro gao-omga ǁkhawa ge ǂnubikhâiga.
15Tamas ka io ta ge gao-aogu ǁîgu gao-omga ǃhuniǀurib
tsî ǀhaiǀurib tsîkha ǀkha ra ǀoaǀoagu khami ga ǁgoe hâ.
16Tare-i ǃaroma ta kha ǁaeb aiǃâ ǃnae
tsî tātsē ǃnâba mû tide ǀgôaro-i khami ǁkhōhe tama ge i?
17ǁNāpa ǂkhabadī-aon ǃaruǀî ǂkhabadī tama ǃkhais ai;
tsau hân ra sâ ǃkhais tawa.
18ǃKhōsaben ǂûn ge ǁnāpa sâsase naun ǀkha ra ûi;
ǁîn ge ǃaruǀî ǃûi-aob di domma ǁnâu tama hâ.
19Xū taman tsî kain tsîn hoan ge ǁnāpa ǀguipa hâ,
tsî khobona ǃnorasase ǁîn ǀhonkhoena xu.
20“Tare xū-i ǃaromab kha Eloba
tsâb ǃnâ hâ khoeba ǃnâba mā,
tsî ǀoms ân ǃan hâ khoena ûiba ra mā?
21ǁŌ ǂgao ra-i ǃoab ge ǁōba hā tama hâ;#ǂHai. 9:6
ǁî-i ge sâusa ǁuiba ra khao-ôa khoe-i ǃgâ-ai ǁōba ra ôa.
22ǁÎ-i ge kaise ra ǃgâiaǂgao, ǀhobasa i ga hō-o.
23Tare-i ǃaromab kha dao-i xare-e ǃaruǀî mû tama khoeba ǃnâba ra māhe,
ǁnāb Elob xa hoa ǀkhāga xu ǁkhaeǂgāhe hâba.
24Ti ǀhâimâinǀoms ge ti pereb khami ra hā,
tsîs ge ti ǃgaesa dâu ra ǁgam-i khami ra ǁhōǂuisen.
25ǃAo ta gere xū-i ge tita ǀkha ge ī,
tsî ǁî-i hîa ta gere sauaǃnâ-i ge ge hāǂam te.
26Sâsasi-i tamas ka io ǂkhî-i xare-e ta ge ūhâ tama hâ,
sâ-i ǀkhai, ǂōǂōsib ra ǀûs ose hāǂam te.”
Currently Selected:
Job 3: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
