1 Corintios 1

Re nabey tak tzij chin re carta re'

1Yen Pablo, yin ru-apóstol re Jesucristo, y ja re Dios xvayon vichin chin xinoc apóstol, roma ja quire' nrajo' reja'. Yen y chibil chuka' re hermano Sóstenes,#Hch 18.17. 2tak nimban-a re carta re' chiva yex hermanos re nimol-ivi' pa rube' re Dios, chire' pa tenemit Corinto, yex re can ch'ojersan#Ro 3.22; 1 Co 6.9-11. chic re ic'aslen roma re Jesucristo. Yex hermanos xixvayox roma re Dios chin xixoc rajc'ual#Ro 1.7; 2 Ti 1.9. reja', ancha'l xuban quiq'uin re nic'aj chic hermanos re jec'o pa tak nic'aj chic tenemit re can niquiya-va ruk'ij#1 Co 8.6. re Kajaf Jesucristo. Can jac'a reja' re Kajaf konojel yoj re kaniman chic reja'. 3Y can-ta q'uiy utzil xtic'ul chiyixnojel#Ro 1.7. riq'uin re Karta' Dios y re Ajaf Jesucristo. Y chuka' re ivánma can-ta otz nuna'.

Re Pablo nutioxij cha re Dios roma camas q'uiy utzil quic'ulun re hermanos re jec'o pa Corinto roma re Jesucristo

4Ivoma yex#Ro 1.8. yen can nojel tiempo nintioxij cha re Dios, roma q'uiy utzil ic'ulun riq'uin reja'. Xaxe c'a roma re Jesucristo tak nic'ul re utzil re'. 5Can ja reja' re xbano chiva che xixoc biyoma', roma camas q'uiy na'oj xic'ul riq'uin y xuban chuka' chiva che can jabal rubixic niban cha re itaman.#2 Co 8.7. 6Y can ancha'l-va re xtzijos chiva che yex can xtic'ul-va re utzil re pitinak riq'uin re Jesucristo, y can quire' xbanataj, y vocame can k'alaj che xic'ul-yan re utzil re' roma jalatajnak chic re ic'aslen. 7Y roma re utzil ic'ulun riq'uin re Jesucristo, can ronojel c'o chic iviq'uin, xa can xe chic iyaben re k'ij tak re Kajaf Jesucristo xtipa chic jun bey.#Col 3.4. 8Y re Kajaf Jesucristo can xquixruto-va#2 Ts 3.3. chupan re ic'aslen, chin che manak-ta mac nilitaj pa tak#1 Ts 5.23. ic'aslen tak xtapon re k'ij che xtipa reja'. 9Re Dios can nuban-va#He 10.23. ronojel re je'rubin. Can xquixruto-va. Ja reja' re xvayon#Is 49.7. ivichin chin che xa jun#1 Jn 4.13. niban riq'uin re Kajaf Jesucristo re Ruc'ajol re Dios.

Re Pablo nuchalabej chique re hermanos re jec'o pa Corinto che junan quivach tiquibana'

10Hermanos, pa rube' re Kajaf Jesucristo ninc'utuj utzil chiva, che junan ivach tibana'.#1 Co 11.18. Man que'pa itzel tak nojebal pan ijalom chin che nijachala-ivi'. Xa can junan-ta ninojij chiyixnojel, y can junan-ta re ina'oj. 11Roma ja re ru-familia re Cloé, re xe'tzijon chua, che yex hermanos c'o ayoval chi'icojol chire' pa Corinto. 12Reje' xquitzijoj chua che yex ijachalon-ivi',#1 Co 3.4. roma jec'o ye'bin che yoj ja re Pablo nakajo'. Jec'o nic'aj chic niquibij: Yoj ja re hermano Apolos#Hch 18.24. nakajo'. Re nic'aj chic niquibij che yoj ja re hermano Pedro#Jn 1.42. nakajo'. Y jac'a re nic'aj chic niquibij che can xe-va reje' re can katzij quitzekelben re Jesucristo. 13Can chiyixnojel yex yix richin re Jesucristo, ¿anchique roma yex man junan-ta ivach ibanon? Yex xa yixtajin chuvich'ic re Jesucristo. Man otz-ta che quire' niban. Roma ja re Jesucristo re xquimisas cho cruz ivoma yex, y mana-ta yen Pablo. Y tak xixban bautizar,#Ef 4.5. ja che yex nitzekelbej re Jesucristo y mana-ta yen Pablo re yinitzekelbej. 14Y matiox cha re Dios che re chi'icojol yex xaxe re hermano Crispo#Hch 18.8. y re hermano Gayo#Ro 16.23. re xe'mban bautizar. 15Roma riq'uin re' yex man yixtiquir-ta nibij che ja yen Pablo re yinitzekelbej, roma mana-ta yen re ximbano bautizar ivichin. 16Chuka' ximban bautizar re hermano Estéfanas#1 Co 16.15. y re ru-familia. Y man ne'ka-ta chinuc'o'x vo xa c'a jec'o nic'aj chic re xe'mban bautizar. Xaxe re xe'mbij-yan re ye'beka chinuc'o'x vocame. 17Re Jesucristo man chin-ta c'a che nimban bautizar tak xinruya' pa rusamaj,#Hch 26.17. reja' xinruya' chin che nintzijoj re utzulaj ch'abal chin re Dios re nibex evangelio cha. Y tak nintzijoj re ch'abal re', man nincusaj-ta re na'oj chin re ruch'ulef, y man ye'ncusaj-ta chuka' ch'abal re camas je otz rubixic. Roma ninjo' nik'alajin che ja re rucamic re Jesucristo cho cruz re c'o ru-poder y mana-ta re nuch'abal yen.

Re Dios xucusaj re Jesucristo chin ye'rucol re ye'niman richin

18Y tak nitzijos re camic re xuc'uaj re Jesucristo cho cruz, can nik'alajin che c'o ru-poder. Quire' nik'alajin chakavach yoj re kaniman, y yojcolotajnak chic. Y ja re rucamic re Jesucristo re nucusaj re Dios chin ye'rucol conojel re ye'niman richin.#Ro 1.16. Jac'a re vinak re can man niquinimaj-ta tak nitzijos re rucamic re Jesucristo cho cruz chiquivach, reje' can man jun ndoc-va chique, y can xtika-va re castigo pa quive'.#2 Co 2.15. 19Y chiquij reje' ch'ovenak-va can re Dios, y ja quire' rubin can:

Yen xtimban chique re vinak re camas quina'oj chach re ruch'ulef che can nisatz re quina'oj.

Can xtimban chique che man jun ndoc-va re na'oj#Is 29.14. c'o quiq'uin.

Quire' nubij chupan re ruch'abal re Dios re tz'iban can.

20Camanak ye'oc-va re vinak camas quina'oj, che israelitas y re man je israelitas-ta. Camanak chuka' ye'oc-va re vinak re camas otz rubixic niquiban cha re quitaman vova' chach re ruch'ulef. Roma re Dios rubanon cha re na'oj#Job 12.17; Is 33.18; 44.25; Ro 1.22. chin vova' chach re ruch'ulef che camanak-va rajkalen. 21Re Dios camas na'oj c'o riq'uin, y mare' man xucha-ta re na'oj#Lc 10.21. chin re ruch'ulef che riq'uin-ta re na'oj re' ye'tiquir-ta re vinak niquitamaj rach reja'. Man quire-ta. Re Dios xunojij che ja re rucamic re Jesucristo re nucusaj chin ye'rucol re vinak re niquinimaj reja'. Quire' xunojij re Dios, astapa' chiquivach re vinak man jun ndoc-va. Y jare' re nakatzijoj yoj.

22Re nuvinak israelitas man niquinimaj-ta roma reje' niquijo' che re Dios can-ta ye'rubanala' milagros chiquivach chin quire' niquinimaj. Y chuka' re man je israelitas-ta cama-va niquinimaj-ta roma reje' niquijo' che can-ta nak'ax#Mt 12.38; Lc 11.16. ronojel pa quive', ancha'l niquiban riq'uin re na'oj vova' chach re ruch'ulef. 23Y yoj jac'a re Jesucristo re xquimisas cho cruz re nakatzijoj. Y re' nuban chique re nuvinak israelitas che man otz-ta#Is 8.14. niquic'axaj, y chuka' chiquivach re man je israelitas-ta manak ndoc-va. 24Jac'a yoj re xojvayox roma re Dios chin xojrucol, israelitas y man je israelitas-ta, can kataman che re poder#Ro 1.4. y re na'oj#Col 2.3. richin re Dios, can ja re Jesucristo. 25Y can katzij che re na'oj re c'o riq'uin re Dios camas nem,#2 Co 4.7. astapa' re vinak niquinojij che re Dios yan ba-oc na'oj c'o riq'uin. Pero man jun vinak nik'e'o re runa'oj re Dios. Y quire' chuka' re ye'nojin che re Dios yan ba-oc ru-poder, pero can nak'ax-va más chach re poder c'o riq'uin re vinak vova' chach re ruch'ulef. 26Can nik'alajin che re Dios camas na'oj c'o riq'uin. Tiya-na-pa' cuenta cha, hermanos tak yex xixvayox roma re Dios chin xixcolotaj, man can-ta yix q'uiy re c'o ina'oj vova' chuch'ulef. Man can-ta#Hch 13.7, 12. yix q'uiy re c'o autoridad pan ik'a' chach re ruch'ulef. Y man can-ta yix q'uiy re c'o ik'ij. 27Pero man roma-ta re', re Dios can xixrucha'#Sal 8.2. astapa' re vinak re man quiniman-ta re Dios niquibij chiva che manak na'oj iviq'uin. Pero re Dios can xixrucha-va, chin nik'alajin che re na'oj richin re ruch'ulef manak ndoc-va. Y chuka' re vinak re man quiniman-ta re Dios niquibij chiva che yex manak ik'ij, pero ja re Dios re xcha'o ivichin. Quire' xuban chin nik'alajin che re vinak re camas quik'ij vova' chach re ruch'ulef, can man jun ye'oc-va chach re Dios. 28Y yex re manak ik'ij y yixtzelas coma re vinak re man quiniman-ta re Dios, can ja re Dios re xixcha'o. Y quire' chuka' yex re nibex chiva che camanak yixoc-va, re Dios xixrucha'. Quire' xuban chin che nik'alajin che re camas quik'ij vova' chach re ruch'ulef, xa manak ndoc-va. 29Y quire' xuban re Dios chin che man jun vinak nitiquir nubij che camas ruk'ij,#Ro 3.27. y nubij-ta che re Dios man jun ndoc-va cha. 30Pero re Dios xuban chaka yoj che xa jun kabanon riq'uin re Jesucristo. Y roma re Jesucristo tak xk'alajin chakavach yoj re na'oj richin re Dios. Re Dios xuban chaka che xa roma re Jesucristo tak manak kamac ndel#1 Co 6.11; 2 Co 5.21; Fil 3.9. chach reja'. Y xa roma chuka' re Jesucristo tak xch'ojersas re kac'aslen y xojcolotaj#Col 1.14. chach re kamac. 31Y mare', nik'alajin chakavach che can xe reja' re otz che nakaya' ruk'ij. Ancha'l nubij chupan re ruch'abal re Dios re tz'iban can: Tak yoj nakana' che c'o kak'ij,#Jer 9.23, 24; 2 Co 10.17. te'ka chakac'o'x che can xe-va cha re Ajaf c'o modo nakabij che c'o ruk'ij.

Currently Selected:

1 Corintios 1: cakY

Highlight

Copy